- સબ્સ્ક્રાઇબર્સ વધુ પેન્શન મેળવવા માટે 3 મે સુધી અરજી કરી શકશે
- EPFO એ તેના સબસ્ક્રાઈબર્સને ઉચ્ચ પેન્શનનો વિકલ્પ પસંદ કરવાની તક આપી
- અરજી રિજેક્ટ કરવામાં આવે તે પહેલા EPFO ચોક્કસપણે તમને એક વાર તક આપે છે
લાખો પેન્શન ધારકો માટે સારા સમાચાર છે. તાજેતરમાં EPFOએ એક પરિપત્ર બહાર પાડ્યો છે કે, જો તમને વધુ પેન્શન જોઈએ છે તો તમારે તેના માટે શું કરવું પડશે. ઉલ્લેખનીય છે કે, EPFO એ તેના સબસ્ક્રાઈબર્સને ઉચ્ચ પેન્શનનો વિકલ્પ પસંદ કરવાની તક આપી છે. સબ્સ્ક્રાઇબર્સ વધુ પેન્શન મેળવવા માટે 3 મે સુધી અરજી કરી શકે છે. હવે વધુ પેન્શન માટે લોકોના અનેક પ્રશ્નો છે. જેનો EPFOએ તેના તાજેતરના પરિપત્રમાં જવાબ આપ્યો છે.
લોકોના સવાલોના જવાબ આપવા માટે EPFOએ તેને 3 કેટેગરીના ભાગ કર્યા છે. જેમાં તેમણે જણાવ્યું છે કે, જો કોઈ પેન્શન માટે સંયુક્ત અરજી ભરે તો શું કરવું? જો હું સંયુક્ત અરજી ફોર્મ ખોટી રીતે ભરું તો શું? જો સંયુક્ત અરજી ફોર્મ નકારવામાં આવે તો શું? EPFOએ આ તમામ સવાલોના જવાબ આપ્યા છે. આવો જાણીએ.
જોઇન્ટ એપ્લિકેશન ભરી છે તો શું થશે?
પરિપત્ર અનુસાર, જો તમે સંયુક્ત અરજી માટે ઉચ્ચ પેન્શન ભરો છો, તો તમારા વિસ્તારના EPFO ઑફિસવાળા એપ્લિકેશનને વેરિફાઇ કર્યા બાદ તમારી સેલેરી ડિટેલ્સને EPFO પોર્ટલમાં હાજર વિગતો સાથે ચકાસવામાં આવે છે. જ્યારે વેરિફિકેશન થઈ જશે, EPFO બાકીના પૈસાની તપાસ કરશે, ત્યારબાદ તે તેને ટ્રાન્સફર કરવા અને જમા કરવાનો ઓર્ડર ફોરવર્ડ કરશે અને પછી તમને ઉચ્ચ પેન્શન માટે પસંદ કરવામાં આવશે.
ખોટુ ભરાયુ છે જોઇન્ટ એપ્લિકેશન ફોર્મ?
જો તમે સંયુક્ત અરજી ફોર્મ ખોટી રીતે ભરો છો અને વિગતો મેળ ખાતી નથી, તો આવા કિસ્સામાં EPFO તમને બીજી તક આપે છે. એક મહિનામાં તમારે તમારી સાચી વિગતો EPFOને આપવી પડશે. ડેટા મિસમેચ થવાના કિસ્સામાં, EPFO સબસ્ક્રાઇબરને જાણ કરે છે અને સાચી વિગતો ફરીથી મોકલવા માટે એક મહિનાનો સમય આપે છે.
જોઇન્ટ એપ્લિકેશન રિજેક્ટ થાય તો ?
તમારી અરજી રિજેક્ટ કરવામાં આવે તે પહેલા EPFO ચોક્કસપણે તમને એક વાર તક આપે છે. જેથી કરીને તમે તમારી ભૂલો સુધારી શકો અને ફરીથી અરજી માટે અરજી કરી શકો. બીજી તરફ, જો તમે એક મહિનામાં સાચી માહિતી નથી આપતા, તો EPFO પોતે તમારા એમ્પ્લોયર પાસેથી સાચી માહિતી મેળવી શકે છે અને તે સાચી થયા પછી, તમારી અરજી સ્વીકારવામાં આવે છે. જો તમારા દ્વારા આપવામાં આવેલી માહિતી ખોટી સાબિત થશે તો અરજી રિજેક્ટ કરવામાં આવશે.
