- ભારતનું ઇમર્જિંગ એશિયા કપ 2023 જીતવાનું સપનું ભાંગીને ભુક્કો
- કોલંબો ખાતે રમાયેલ ફાઇનલ મેચમાં પાકિસ્તાનની જીત
- ભારતીયની ટીમે 40 ઓવરમાં માત્ર 224 રન જ બનાવી શકી
ભારતનું ઇમર્જિંગ એશિયા કપ 2023 જીતવાનું સપનું ભાંગીને ભુક્કો થયું છે. ભારતીય ટીમને ફાઇનલમાં પાકિસ્તાનની હાથે 128 અને હાર ભોગવવાનો વારો આવ્યો હતો. જ્યારે પાકિસ્તાન આ ખિતાબું પોતાને નામ કરવામાં સફળ રહ્યું છે. કોલંબો ખાતે રમાયેલ ફાઇનલ મેચમાં પાકિસ્તાનને ભારતને 353 નો વિશાળ લક્ષ્યાંક આપ્યો હતો. જેને પાર કરવા ઉતરેલી ભારતીય ની ટીમે 40 ઓવરમાં માત્ર 224 રન જ બનાવી શકી હતી.
ઇનિંગ્સની વાત કરવામાં આવે તો ભારતના ઓપનર અભિષેખ શર્માએ 61 બનાવ્યા હતા જ્યારે કેપ્ટન યસ ધુલે ૩૯ અને સાઈ સુંદર્શને 29 રન બનાવ્યા હતા. આ ઉપરાંત અન્ય ખેલાડીઓને 15 નો આંકડો પાર કરવામાં પણ મોઢે ફિણ આવી ગયા હતા. બીજી બાજુ પાકિસ્તાન માટે સૂફીયાન મુકિને 3 વિકેટ જ્યારે અરસદ ઈકાબલ તથા મુબાસીર ખાને બે બે વિકેટ લીધી હતી.
નોંધનીય છે કે પાકિસ્તાની ટીમે પ્રથમ બેટિંગ લઈ 50 ઓવરમાં આઠ વિકેટના નુકસાન પર 352 રનનો જંગી ટાર્ગેટ બનાવ્યો હતો. જેમાં તયયબ તાહિરે 71 બોલમાં 108 રન કર્યા હતા. 12 ચોગ્ગા અને 4 છગ્ગા ફટકાર્યા હતા. પરિણામે ભારતીય ટીમને વિશાળ લક્ષ્ય મળતા તેમાં ભારતીય ટીમને સફળતાથી ઘણું છેટું રહ્યું હતું.
