- ચંદ્રયાન-3નું શ્રીહરિકોટાથી સફળ લોન્ચિંગ
- ચંદ્રયાન-3 મિશનમાં જામનગરનો મહત્વનો ફાળો
- કાસ્ટીંગ બોડી બનવાનું મશીન જામનગર ખાતે બન્યું
- 3 કરોડનું મશીન 8 ટ્રકો દ્વારા મોકલવામાં આવ્યું હતું
- મશીન બનાવવામાં લાગ્યો હતો 8 મહિના જેટલો સમય
ભારતે ગઇકાલે અંતરીક્ષમાં ઇતિહાસ રચી દીધો છે. શ્રીહરિકોટાથી ચંદ્રયાન-3 સફળતાંપૂર્વક લોન્ચ કરવામાં આવ્યું. પણ શું તમે જાણો છો ચંદ્રયાન-3માં ગુજરાતનો પણ મોટો ફાળો છે. વાત જાણે એમ છે કે, ચંદ્રયાન-3માં કાસ્ટીંગ બોડી બનવાનું મશીન જામનગર ખાતે બન્યું છે. વિગતો મુજબ આ મશીનને બનાવવામાં 8 મહિના જેટલો સમય લાગ્યો હતો.
જામનગરના હાલાર માટે ગૌરવ વાત
જામનગરના અલિયાબાડા ગામ ખાતે ગીતા એન્જિનિયરિંગમાં કાસ્ટીંગ બોડી બનવાનું મશીનના પાર્ટ બનાવવામાં આવ્યા હતા. ચંદ્રયાન-3 બનાવામાં જામનગરનો મહત્વનો ફાળો છે. કાસ્ટીંગ બોડી બનવાનું મશીન કે જે જામનગર બન્યું તેને બનાવવામાં 8 મહિના જેટલો સમય લાગ્યો હતી. આ સાથે આ કામગીરીમાં 30 જેટલા લોકો જોડાયા હતા.
8 ટ્રકો જામનગરથી રવાના થયા અને ચંદ્રયાન-3 તૈયાર
ગુજરાતના જામનગર જિલ્લાના અલિયાબાડા ગામ ખાતે ગીતા એન્જિનિયરિંગમાં કાસ્ટીંગ બોડી બનવાનું મશીન 8 મહિનાને અંતે તૈયાર થયું હતું. આ મશીન બનાવવા પાછળ અંદાજિત 3 કરોડનો ખર્ચ થયો હતો. આ સાથે આ મશીન 8 ટ્રકો દ્વારા મોકલવામાં આવ્યું હતું.
