તૈયારી / કોરોના વેક્સિન : ગુજરાત સહિત ચાર રાજ્યોમાં ડ્રાય રન કરવા જઈ રહી છે કેન્દ્ર સરકાર, જાણો વિગત

Parth

Last Updated: 09:21 AM, 26 December 2020

FOLLOW ON

શેર કરો

ભારતમાં કોરોના વાયરસની વેક્સિનને મંજૂરી મળતા જ મોત પાયે રસીકરણ અભિયાન ચાલુ કરવા માટે સરકાર તૈયારીઓ કરી રહી છે ત્યારે ગુજરાત સહિતના ચાર રાજ્યોમાં ડ્રાય રન કરવામાં આવશે.

કોરોના વાયરસની રસી આવે તે પહેલા સરકારની તૈયારીઑ
ચાર રાજ્યોમાં કરવામાં આવશે ડ્રાય રન
રસીકરણ અભિયાનમાં તૈયારીઓમાં આ ડ્રાયરનથી કરાશે સમીક્ષા

ગુજરાત સહિત ચાર રાજ્યોમાં ડ્રાય રન

ભારતમાં કોરોના વાયરસની રસીને લઈને જોરશોરથી તૈયારીઓ કરવામાં આવી રહી છે કારણ કે સરકારનું માનવું છે કે આગામી મહિનામાં કોરોના વાયરસની રસી ભારતમાં સફળ થઈ શકે છે અને તે માટે રસીકરણનું કામ ચાલુ કરી દેવામાં આવશે. ભારતમાં કોરોના વાયરસ એક વર્ષથી તબાહી મચાવી રહ્યો છે અને એવામાં રસીના કારણે આશા જાગી છે. એવામાં કેન્દ્ર સરકાર રસીકરણ કરતાં પહેલા તૈયારીઑ જોવા માટે ગુજરાત સહિત પંજાબ, અસમ અને આંધ્રપ્રદેશમાં ડ્રાય રન એટલે કે રિહર્સલ કરવા જઈ રહી છે.

રસીકરણ પહેલાની તૈયારીઑ

દેશમાં કોરોના વાયરસની રસીને ખૂબ જલ્દી મંજૂરી આપવામાં આવી શકે છે ત્યારે દેશના દરેક નાગરિકો સુધી આ રસી પહોંચાડવી એ એક પડકારજનક કામ છે ત્યારે તતે પહેલા સ્વાસ્થ્ય મંત્રાલય દ્વારા જાણકારી આપવામાં આવી છે તે અનુસાર આ રિહર્સલમાં ઓનલાઈન ડેટા એન્ટ્રી, કેન્દ્રો પર લાભાર્થીઓનો પૂર્વાભ્યાસ કરવાના આવશે તથા કેટલા લોકોની જરૂર પડે છે તેની પણ સમીક્ષા કરવામાં આવશે. આ પહેલા મિશનથી જોડાયેલા લોકોની એક બેઠક પણ કરવામાં આવશે.

કેમ જરૂરી છે આ ડ્રાય રન

કેન્દ્ર સરકાર દ્વારા જાણકારી આપવામાં આવી છે કે બધા જ ચાર રાજ્યોમાં રિહર્સલની બધી જ તૈયારીઑ કરી લેવામાં આવી છે અને વેક્સિન માટે પ્રશિક્ષણ પણ આપવામાં આવ્યું છે. આ રિહર્સલમાં રેફ્રીજરેશન સ્ટોર, વેક્સિન ટ્રાન્સપોર્ટેશન, ભીડની વ્યવસ્થા અને પ્રક્રિયામાં સોશ્યલ ડિસ્ટન્સ જળવાય તે બધી વ્યવસ્થા કરવામાં આવશે. આ ચારેય રાજ્યોના બે બે જિલ્લામાં આ કામ કરવામાં આવશે જેમાં લુધિયાણા અને શહીદ ભગત સિંહ નગરનું નામ સામે આવ્યું છે.

સંકળાયેલા મુદ્દાઓ

Corona Virus Corona Virus vaccine covid 19 કોરોના વાયરસ કોરોના વેક્સિન કોવિડ 19 coronavirus