ધરપકડ / મહિલા તબીબ પર દુષ્કર્મ આચરનાર લંપટ તબીબ પોલીસના સકંજામાં, જાણો શું હતો બનાવ

• પાર્થ મકવાણા નામનો તબીબ ઝડપાયો
• મહિલાને સરકારી નોકરીની લાલચ આપી આચર્યું હતું દુષ્કર્મ
• રાજકોટના મહિલા તબીબે કરી હતી યૌનશોષણની ફરિયાદ

રાજ્યમાં છેલ્લા ઘણા સમયથી દુષ્કર્મની ઘટનામાં વધારો થઇ રહ્યો છે. દિકરીઓ હોય કે પછી મહિલા. સુરક્ષાને લઇને સવાલો ઉઠી રહ્યા છે. અત્યારનો જમાનો એવો થઇ ગયો છે કે વિશ્વાસ કોની પર કરવો ? પિતા-પુત્રી અને ભાઇ બહેનના સંબંધઓને લજવતી ઘટનાઓ સામે આવે છે.  નોકરીનું સ્થળ હોય કે પછી ઘરની ચાર દિવાલ. મહિલા- દિકરી સુરક્ષાને લઇને રોજબરોજ ચોંકાવનારી ઘટનાઓ બની રહી છે. ત્યારે  રાજકોટની મહિલા તબીબ સાથે અમદાવાદના તબીબે દુષ્કર્મ આચર્યુ હોવાના મામલે આરોપીની ધરપકડ કરવામાં આવી. 

અમદાવાદના તબીબની ધરપકડ 

રાજકોટની મહિલા તબીબ સાથે દુષ્કર્મ આચર્યાના કેસમાં આરોપી પાર્થ મકવાણા નામના તબીબની ધરપકડ કરવામાં આવી છે.  પાર્થ મકવાણા એ અમદાવાદનો છે. તેણે મહિલાને સરકારી નોકરીની લાલચ આપીને દુષ્કર્મ આચર્યુ હતુ. આ મામલે રાજકોટ પોલીસ સ્ટેશનમાં ફરિયાદ નોંધાતા પોલીસે આરોપીને ઝડપી પાડવા તપાસના ચક્રોગતિમાન કર્યા હતા.

મિત્રતા કેળવી બળાત્કાર ગુજાર્યો હોવાનો આરોપ

મહિલાએ પોલીસ સ્ટેશનમાં ફરિયાદ કરતા આરોપ લગાવ્યો હતો કે આરોપી પાર્થ મકવણાએ મિત્રતા કેળવી બળાત્કાર ગુજાર્યો હતો. રાજકોટ મહિલા તબીબે  અમદાવાદ, જામનગર અને રાજકોટની હોટલમાં દુષ્કર્મ કર્યાની ફરિયાદ નોંધાવી હતી.  જે મામલે પોલીસે આરોપી પાર્થ મકવાણાની શોધખોળ હાથ ધરી હતી.  રાજકોટ એ ડિવિઝનમાં મહિલા તબીબે પોલીસ ફરિયાદ નોંધાવી હતી. જેને પગલે પોલીસની એક ટીમે અમદાવાદમાં આવીને તપાસ હાથ ધરી હતી.