Navratri 2022 / નવરાત્રી પર મા લક્ષ્મીને પ્રસન્ન કરવા આ ઉપાય અચૂક કરો, ક્યારેય નહીં ખૂટે ધન-સંપતિ

• નવરાત્રિ દરમિયાન 9 દિવસ મા દુર્ગા ભક્તોના ઘરમાં વાસ કરે છે
• નવ દિવસ માટે મા દુર્ગાની વિશેષ પૂજા કરવાથી દરેક મનોકામના પૂર્ણ થાય 
• નવરાત્રી દરમિયાન મા દુર્ગાને પ્રસન્ન કરવા માટે આ સરળ ઉપાયો કરી લો

હિન્દુ ધર્મમાં નવરાત્રીનું ખૂબ જ મહત્વ હોય છે. તેમાં પણ સૌથી વધારે મહત્વ શારદીય નવરાત્રીનું હોય છે. ભારતીય પંચાંગ અનુસાર, શારદીય નવરાત્રી અશ્વિન મહિનાનાં શુક્લ પક્ષની પ્રતિપદાથી શરૂ થાય છે અને દશમી પર સમાપ્ત થાય છે. આ વર્ષે નવરાત્રી આ મહિને એટલે કે 26 સપ્ટેમ્બરથી શરૂ થઈને 5 ઓકટોબર સુધી રહેશે.  ધાર્મિક માન્યતાઓ અનુસાર નવરાત્રિ દરમિયાન 9 દિવસ લક્ષ્મીજી ભક્તોના ઘરમાં વાસ કરે છે. નવરાત્રીના નવ દિવસ માટે મા લક્ષ્મીની વિશેષ પૂજા કરવાથી દરેક મનોકામના પૂર્ણ થાય છે. નવરાત્રી દરમિયાન મા લક્ષ્મીને પ્રસન્ન કરવા માટે ઘણા આ સરળ ઉપાયો કરી લો.. 

- નવરાત્રિ શરૂ થાય એ પહેલા તમારા ઘર અને પૂજા સ્થળની સારી રીતે સાફ-સફાઇ કરી લો. માન્યતા અનુસાર મા દુર્ગા એ જ સ્થાન પર વાસ કરે છે, જ્યાં સાફ-સફાઇ અને સાત્વિકતાનું પૂરતું ધ્યાન રાખવામાં આવે છે. 

- નવરાત્રિ દરમિયાન મા લક્ષ્મીની વિશેષ કૃપા મેળવવા માટે તેમની વિધિવત પૂજા- અર્ચના કરવી જોઈએ. આ સાથે મન પણ એકદમ શુદ્ધ અને સાત્વિક રાખવું જોઈએ. કોઈ વિધ્ન વિનાની પૂજાથી જ લાભ મળે છે. 

- નવરાત્રિમાં નવ દિવસ સુધી જ્યાં મા દુર્ગાની મૂર્તિ અને કળશ સ્થાપિત કરવામાં આવે છે, ત્યાં લાલ ફૂલોથી શણગાર કરવો જોઈએ. 

- માન્યતાઓ અનુસાર નવરાત્રિ દરમિયાન મા દુર્ગાની પૂજા કરતા સમયે મનમાં ખરાબ વિચારો ન આવવા જોઈએ.આ દરમિયાન મનમાં સાત્વિક વિચારો રાખીને મા દુર્ગાની પૂજા કરવી જોઈએ.

 
- નવરાત્રિના નવ દિવસ સુધી ખાસ ધ્યાન રાખવું જોઈએ કે ઘરના તમામ સભ્યો ઓછામાં ઓછા એક વખતની આરતી સમયે હાજર રહે.

- નવરાત્રિના નવમા દિવસે કન્યાની પૂજા અવશ્ય કરવી જોઈએ. જણાવી દઈએ કે કન્યાની પૂજા પછી જ જ નવરાત્રિની પૂજા પૂર્ણ થાય છે.