વિવાદ / વડોદરાના MP, ધારાસભ્યો, ભાજપ પ્રમુખ સહિત 3 મહામંત્રીઓને CR પાટીલનું તેડુ, જાણો વિવાદ

• વડોદરા શહેર ભાજપ સંગઠન અને પાલિકા સત્તાધીશો વચ્ચે વિવાદ 
• વડોદરાના સાંસદ, ધારાસભ્યો, શહેર ભાજપ પ્રમુખ અને 3 મહામંત્રીને તેડુ
• પાલિકામાં ચાલતા વિવાદનો અંત લાવવા સી.આર.પાટીલ મેદાને

વડોદરા શહેર ભાજપ સંગઠન તેમજ પાલિકા સત્તાધીશો વચ્ચે વિવાદ વકર્યો છે. વિવાદ વકરતા પ્રદેશ અધ્યક્ષ સી.આર.પાટીલની દરમિયાનગીરી કરવાની જરૂર પડી છે. ત્યારે આજે વડોદરા પાલિકાનાં હોદ્દેદારો અને સ્ટેન્ડિંગ કમિટીના સભ્યોને સુરત બોલાવામાં આવ્યા છે. તેમજ વડોદરાના સાંસદ, ધારાસભ્યો, શહેર ભાજપ પ્રમુખ અને 3 મહામંત્રીને પણ સુરત બોલાવવામાં આવ્યા છે. પાલિકામાં ચાલતા વિવાદનો અંત લાવવા સી.આર.પાટીલે મીટીંગનું આયોજન કર્યું હતું. 

વધુ વાંચોઃ લોકસભાની ચૂંટણી પહેલા ગુજરાતમાં નવાજૂનીના એંધાણ! કપાઇ શકે છે 20 દિગ્ગજ સાંસદોના પત્તા

પદાધિકારીઓએ કંઈ પણ કહેવાનું ટાળ્યું હતું
આ બાબતે મહાનગર પાલિકાના સત્તાધિશો તેમજ ભાજપ સંગઠનનાં પદાધિકારીઓએ કંઈ પણ કહેવાનું ટાળ્યું હતુ. તેમજ માત્ર મીટીંગ હોવાનો મેસેજ આવ્યો હોવાનું જણાવી રહ્યા હતા.  આ મીટીંગમાં મહાનગર પાલિકાના મેયર પિંકીબેન સોની, સ્ટેન્ડીંગ કમિટી ચેરમેન સહિત મહાનગર પાલિકાના હોદ્દેદારો તેમજ ધારાસભ્ય મનીષા વકીલ સહિત સાંસદ તેમજ અન્ય ધારાસભ્યો  ઉપસ્થિત રહ્યા હતા.