પ્રદુષણ / દિલ્હીમાં એર ઇમર્જન્સી જાહેર, AQI 500ને પાર, શાળા-કોલેજમાં રજા

Mehul

Last Updated: 07:37 PM, 14 November 2019

FOLLOW ON

શેર કરો

રાજધાની દિલ્હી અને એનસીઆરના વિસ્તાર એક વાર ફરી ગેસ ચેમ્બરમાં ફેરવાઇ ગયા છે. આ કારણે ત્યાં ફરી એક વાર એર ઇમર્જન્સી લગાવી દેવાઇ છે. પ્રદૂષણનું સ્તર એટલું વધ્યું છે કે લોકો માટે ઘરમાં રહેવું પણ મુશ્કેલ બની ગયું છે તેમજ શ્વાસ લેવામાં પણ ગૂંગળામણ અનુભવાઇ રહી છે.

દિલ્હી અને એનસીઆરના વિસ્તાર એક વાર ફરી ગેસ ચેમ્બરમાં ફેરવાઇ ગયા
એર ક્વોલિટી ઇન્ડેક્સમાં પ્રદૂષણનું સ્તર પ૦૦ને પાર થઇ ગયું છે
દિલ્હી-એનસીઆરનાં તમામ સ્કૂલ-કોલેજ ગુરુવાર અને શુક્રવારે બંધ રખાયાં

આજે પણ પરિસ્થિતિમાં કોઇ સુધારો થયો નથી. એર ક્વોલિટી ઇન્ડેક્સમાં પ્રદૂષણનું સ્તર પ૦૦ને પાર થઇ ગયું છે તે સુર‌િક્ષત સ્તર કરતાં પાંચ ગણું વધુ છે. દિલ્હીમાં એક્યુઆઇ ૪૭ર, નોઇડામાં પ૮૦, ગા‌ઝિયાબાદમાં પ૬૦, ફરીદાબાદમાં ૩૮૭ અને ગુરુગ્રામમાં પપ૪ ટકા છે.

પ્રદૂષણનું પૂર્વાનુમાન કરનાર એજન્સીઓના જણાવ્યા અનુસાર ૧પ નવેમ્બર સુધી દિલ્હી, એનસીઆર આ જ સ્થિતિમાં રહેશે. આ દરમિયાન દિવાળી બાદ પ્રદૂષણનું સ્તર સતત ૧૩ થી ૧૪ દિવસ ગંભીર શ્રેણીમાં રહ્યું, પરંતુ ર૦૧૯નો નવેમ્બર મહિનો આ રેકોર્ડને પણ તોડતો દેખાય છે.

પ્રદૂષણનું સ્તર એટલું ગંભીર છે કે અત્યારે લોકો શ્વાસ લેવામાં પણ તકલીફ અનુભવી રહ્યા છે. નિષ્ણાતોના જણાવ્યા અનુસાર સેકન્ડરી પા‌ર્ટિકલ્સ પણ ઝડપથી વધી રહ્યા છે. આ કારણે લોકો આ સ્મોગમાં બહાર જાય તો બીમારીને આમંત્રણ આપવા સમાન છે.

સીપીસીબી અને સફરના જણાવ્યા મુજબ પીએમ ર.પનું ઝેરીલાપણું ઘણું વધી ગયું છે. હવામાં ઘણા પ્રકારના ગેસ અરસપરસ રિએક્શન કરીને સેકન્ડરી પા‌ર્ટિકલ્સ બનાવી રહ્યા છે. આ કારણે લોકોને બહાર રહેવામાં પણ પરેશાની થઇ રહી છે.

૧પ દિવસમાં ત્રીજી વાર પ્રદૂષણની ઇમર્જન્સી જોતાં દિલ્હી-એનસીઆરનાં તમામ સ્કૂલ-કોલેજ ગુરુવાર અને શુક્રવારે બંધ રખાયાં છે.

સંકળાયેલા મુદ્દાઓ

National News Smog air pollution delhi ગુજરાતી ન્યૂઝ Pollution