તમારા કામનું / તૂટેલી કે વળેલી નંબર પ્લેટ બદલાવવા માટે ઘરે બેઠા કરો આટલું કામ, નહીંતર થઈ શકે છે જેલ

• વાહનનાં નંબર પ્લેટ સાથે ચેળા કરવી ગુનો 
• વળેલી કે તૂટેલી નંબર પ્લેટ રાખવાથી થઇ શકે કેસ 
• HSRP વેબસાઇટની મદદથી લઇ શકાય છે યોગ્ય પગલાં 

જે પણ લોકોનાં વાહનની નંબર પ્લેટ વળી કે તૂટી ગઇ છે અથવા તો નંબર પ્લેટ સાથે કોઇ પણ પ્રકારની ચેળા કરી છે તે લોકોએ સાવધાન થઇ જવું જરૂરી છે કારણ કે IPC હેઠળ આ એક ગુનો બને છે અને તેના માટે તમને સજા પણ મળી શકે છે અથવા તો કેસ થઇ શકે છે.

HSRP શું છે
હાઇ સિક્યોરિટી રેજિસ્ટ્રેશન પ્લેટ HSRP એટલે કે સરકાર દ્વારા નક્કી કરવામાં આવ્યું છે કે વાહનમાં HSRP પ્લેટ સિવાય કોઇ પણ પ્રકારની પ્લેટનો ઉપયોગ કરી શકાશે નહીં. જો તમારા વાહનમાં તમને HSRP નંબર પ્લેટ ફીટ કરાવવી હોય તો તમે ઓનલાઇન રજિસ્ટ્રેશન કરાવી શકો છો. ઓનલાઇન એપોઇન્ટમેન્ટ લઇ અને RTOમાં જઇ તમે નંબર પ્લેટ લગાવી શકો છો.

શું આ પ્રક્રિયા ફ્રીમાં થાય છે?
ના HSRP નંબર પ્લેટને તમારા વાહન પર ફીટ કરાવવાની પ્રક્રિયા ફ્રીમાં થતી નથી. તેના માટે RTO તમારા પાસેથી ચોક્કસ ચાર્જ વસૂલે છે. વાહન પ્રમાણે લોકોએ ચાર્જ આપવાનું રહેશે.

કઇ રીતે એપ્લિકેશન ભરવી?

1. ગૂગલમાં HSRP Gujarat સર્ચ કરવું
2. ઓફિશિયલ વેબસાઇટ પર ક્લિક કરી customer પર ક્લિક કરવું
3. Old vehicle HSRP reguest and payment પર ક્લિક કરી વાહનની વિગતો ભરવાની.
4. ઓનલાઇન પેમેન્ટ કર્યા બાદ SMS આવશે જેમાં તમારી HSRP નંબર પ્લેટ તૈયાર થયા હોવાની નોટિફિકેશન તમને મળશે.
5. SMS મેળવ્યાં બાદ તમારે ફરીથી ઓફિશિયલ વેબસાઇટ પર જઇ અને  Online Appoinment for HSRP Fitment પર ક્લિક કરી અને RTO સિલેક્ટ કરીને વિગતો ભરવાની.
6. આ બાદ અપોઇન્ટમેન્ટ લેટરની પ્રિન્ટ કરાવી અને તારીખ-સમય પ્રમાણે RTOમાં જવાનું રહેશે.

નંબર પ્લેટનો કલર ઝાંખો થયો હોય તો આ કરવું
જો તમારી નંબર પ્લેટ પર આંકડાઓનો બ્લેક કલર ઝાંખો પડી ગયો હોય તો RTO તમારી નંબર પ્લેટ પર બ્લેક ફોઇલ ફ્રીમાં લગાવી આપશે. તે માટે આ સ્ટેપ ફોલો કરો:

1. HSRPની વેબસાઇટ પર જવું અને Other services પર ક્લિક કરો
2. Click here to take an online appointment પર ક્લિક કર્યા બાદ વિગતો ભરવી.
3. ત્યારબાદ નીચે Hot Stamping નાં ઓપ્શન પર ક્લિક કરી અપોઇન્ટમેન્ટ લેવાની રહેશે.