અધિકારીની તાનાશાહી / VIDEO : માથું ફોડી નાખો ખેડૂતોનું, પોલીસને આદેશ આપતા ઝડપાયા SDM, વાયરલ થતા જોવા જેવી થઈ

• હરિયાણાના કર્નાલમાં ભાજપની બેઠક પહેલાનો વીડિયો વાયરલ
• કર્નાલના SDM એ પોલીસને આપ્યો આદેશ
• ખેડૂતો બેઠક સ્થળે આવે તો તેમનું માથું ફોડી નાખો
• વીડિયો વાયરલ થતા હોબાળો મચ્યો, અધિકારીની સામે કાર્યવાહીની માગ 

વીડિયોમાં કર્નાલના SDM પ્રદર્શનકારી ખેડૂતોને પાઠ ભણાવવા તેમનું માથું ફોડી નાખવાની પોલીસને સૂચના આપી રહેલા જોવા મળતા હતા. વીડિયોમાં આ અધિકારી પોલીસને પાઠ ભણાવવા લાગ્યા હતા કે જે પણ નેતાઓ ભાજપ નેતાઓની સામે દેખાવ કરી રહ્યાં છે તેમનું માથું ફોડી નાખો. વીડિયોમાં, કરનાલ સબ-ડિવિઝનલ મેજિસ્ટ્રેટ (SDM) આયુષ સિન્હા પોલીસકર્મીઓના સમૂહ સામે ઊભા છે અને તેમને સૂચના આપી રહ્યા છે કે કોઈ ખેડૂત આ વિસ્તારમાં ચોક્કસ બેરીકેડથી આગળ ન જાય.

સબ ડિવિઝનલ મેજિસ્ટ્રેટે પોલીસે આપ્યો ખેડૂતોનું માથુ ફોડી નાખવાનો આદેશ 

સબ ડિવિઝનલ મેજિસ્ટ્રેટે કહ્યું કે અમે કોઈપણ કિંમતે આ લાઈનને તૂટવા નહીં દઈએ. ફક્ત તમારી લાકડીઓ ઉપાડો અને તેમને સખત ફટકો તે એકદમ સ્પષ્ટ છે, કોઈપણ સૂચનાઓની જરૂર નથી, ફક્ત તેમને સખત મારવો. જો હું અહીં એક પણ વિરોધ કરનારને જોઉં, તો હું તેમના માથા તોડતા જોવા માંગુ છું. 

I hope this video is edited and the DM did not say this… Otherwise, this is unacceptable in democratic India to do to our own citizens. pic.twitter.com/rWRFSD2FRH

— Varun Gandhi (@varungandhi80) August 28, 2021

ભાજપ સાંસદ વરુણ ગાંધીએ ઘટનાની આકરી ટીકા કરી 

આ શરમજનક ઘટનાનો વીડિયો વાયરલ થતા હોબાળો મચ્યો છે. ભાજપ સાંસદ વરુણ ગાંધીએ સહિત ઘણા નેતાઓએ આ ઘટનાની આકરી ટીકા કરીને એસડીએમની સામે પગલાં લેવાનું જણાવ્યું છે. 

કરનાલમાં ખેડૂતોએ ભાજપની બેઠકનો વિરોધ કર્યો 

હરિયાણામાં કરનાલ તરફ જતા ખેડૂતોના એક જૂથ પર ભાજપની સભાનો વિરોધ કરવા માટે રાજ્ય પોલીસ દ્વારા લાઠીચાર્જ કરવામાં આવ્યો હતો. લાઠીચાર્જમાં ઓછામાં ઓછા 10 લોકો ઘાયલ થયા છે. જ્યાં મુખ્યમંત્રી મનોહર લાલ ખટ્ટર, પ્રદેશ ભાજપ પ્રમુખ ઓમ પ્રકાશ ધનખાર અને અન્ય વરિષ્ઠ નેતાઓ હાજર રહ્યા હતા.