BIG NEWS / સ્થાનિક સ્વરાજની સંસ્થાઓની ચૂંટણી અંગે CR પાટીલનું મોટું નિવેદન, કહ્યું '1500 પદ પર કરાશે નવા નેતાઓની પસંદગી'

• સ્થાનિક સ્વરાજની સંસ્થાઓની ચૂંટણીને લઈ મહત્વની અપડેટ
• નવા નેતાઓની પસંદગી કરાશેઃ સી આર  પાટીલ
• નો રિપીટ થિયરી મુજબ નિયુક્તિ કરાશેઃ પાટીલ

સ્થાનિક સ્વરાજની સંસ્થાઓની ચૂંટણીને લઈ સી આર પાટીલનું મહત્વનું નિવેદન સામે આવ્યું છે. પ્રદેશ ભાજપ અધ્યક્ષ સી આર પાટીલે જણાવ્યું કે, નવા નેતાઓની પસંદગી કરાશે તેમજ નો રિપીટ થિયરી મુજબ નિયુક્તિ કરાશે. તેમણે ઉમેર્યું કે, નવા કાર્યકરોને તક મળશે. 1500 જેટલા પદ ઉપર નિયુક્તિ કરવામાં આવશે. પાટીલે વધુમાં કહ્યું કે,  90.5 ટકા સીટ જીત્યા છે, નવા લોકોને તક મળે તે માટે નિર્ણય કર્યો છે

સી આર  પાટીલનું નિવેદન
સી આર  પાટીલે કહ્યું કે, ભારતીય જનતા પાર્ટીની પરંપરા રહી છે, જે ચાર પદ છે મેયર, ડે. મેયર, સ્ટેન્ડિગ કમિટિ ચેરમેન કે જિલ્લાના પ્રમુખો જેમને નો રિપીટેશનમાં લઈ જવાનો નિર્ણય  લેવામાં આવ્યો છે. જેના કારણે નવા કાર્યકર્તાઓને તક પણ મળે તેમજ ભારતીય જનતા પાર્ટી 90.5 ટકા સીટ જીત્યા છે, જેના કારણે નવા લોકોને તક પણ મળવી જોઈએ. જેમનામાં રહેલા ટેલેન્ટનો ઉપયોગ લોકહિતમાં થાય.

ઓબીસીને 27 ટકા અનામત
થોડા દિવસ અગાઉ સરકારે જણાવ્યું છે કે, ગ્રામીણ તથા શહેરી સ્થાનિક સ્વરાજ્યની સંસ્થાઓમાં SC અને STના અનામતમાં કોઈ જ પ્રકારનો ફેરફાર નહીં તેમજ ગુજરાતની સ્થાનિક સ્વરાજ્યની સંસ્થાઓમાં OBC માટે 27 ટકા અનામતની ભલામણ કરાઈ જેનો રાજ્ય સરકારે સ્વીકાર કર્યો છે. વધુમાં ઉમેર્યું હતું કે, ગુજરાતની સ્થાનિક સ્વરાજ્યની સંસ્થાઓમાં જે 10 ટકા અનામત OBCને આપવામાં આવી છે તે અનામત યથાવત રહેશે. મહાનગરપાલિકા અને નગરપાલિકામાં OBC અનામત 27 ટકા ફાળવવામાં આવી છે