દેશમાં કોરોનાના કેસ સતત વધી રહ્યા છે. શિયાળાની સીઝન અને દેશના અન્ય કેટલાક વિસ્તારોમાં વધી રહેલા પ્રદૂષણના કારણે સ્થિતિ ગંભીર બની છે. આ સમયે કોરોનાની વેક્સીનની રાહ જોવાઈ રહી છે. તો એક સારા સમાચાર એ આવી રહ્યા છે કે ઓક્સફર્ડ યુનિવર્સિટી અને ફાર્મા કંપની એસ્ટ્રોજેનેકા ધ્વારા વેક્સીનના ડોઝ તૈયાર કરનારી ભારતીય કંપની સીરમ ઈન્સ્ટીટ્યૂટ ઓફ ઈન્ડિયાએ લગભગ 4 કરોડ ડોઝ બનાવી લીધા છે તો ICMR ની કોવેશીલ્ડને લઈને પણ સારા સમાચાર આવી રહ્યા છે.
કોરોનાના વધતા કેસ વચ્ચે રાહતના સમાચાર
સીરમ ઈન્સ્ટિટ્યૂટે તૈયાર કર્યા 4 કરોડ ડોઝ
ICMR ની કોવેશીલ્ડને લઈને પણ આવ્યા સારા સમાચાર
કોવોવેક્સને નોવાવેક્સે કર્યું વિકસિત
મળતી માહિતી અનુસાર ઓક્સફર્ડ યુનિવર્સિટીની વેક્સીન કોવિશિલ્ડની સાથે ICMR અને સીરમ ઈન્સ્ટિટ્યૂટ અમેરિકન ફાર્મા કંપની નોવાબેક્સની સાથે કોરોના વેક્સીન કોવોવેક્સનું પણ ક્લિનિકલ ટ્રાયલ ચાલી રહ્યું છે. કોવોવેક્સને નોવાવેક્સે વિકસિત કરી છે અને સીરમ ઈન્સ્ટિટ્યૂટ તેને આગળ વધારવાનું કામ કરી રહ્યું છે.
મંજૂરી બાદ તૈયાર કર્યા ડોઝ
સીરમ ઈન્સ્ટિટ્યૂટે DCGI પાસેથી વેક્સીનને સ્ટોક કરવાની મંજૂરી મેળવ્યા બાદ તેના 4 કરોડથી વધારે ડોઝ તૈયાર કરી લીધા છે. આ બંને વેક્સીનના ક્લિનિકલ ટ્રાયલનું ફંડિગ આઈસીએમઆર કરી રહી છે, જ્યારે સીરમ ઈન્સ્ટિટ્યૂટ અન્ય ખર્ચ ઉઠાવી રહી છે. ભારતમાં કોવિશિલ્ડના ત્રીજા ટ્રાયલને પૂર્ણ કરાયું છે. તો અન્ય તરફ અમેરિકાની નોવાવેક્સ દ્વારા તૈયાર કરાયેલી કોવોવેક્સ માટે આઈસીએમઆર અને એસઆઈઆઈ મળીને કામ કરી રહ્યા છે. ICMRએ એક નિવેદનમાં કહ્યું છે કે આ ભાગીદારી મહામારીને ફેલાવવામાં ગંભીર પરિણામોને ઘટાડવા માટે સાર્વજનિક સંસ્થાઓના સહયોગનું સુંદર ઉદાહરણ છે.
ICMRએ કહ્યું કે હજુ સુધી પરીક્ષણોના પરિણામોથી એ આશા છે કે કોવિશિલ્ડ ઘાતક મહામારીનું વાસ્તવિક સમાધાન હોઈ શકે છે. ભારતમાં હજુ સુધી વેક્સીનનું માનવ પરીક્ષણ થયું તેમાં કોવિશિલ્ડનું પરિણામ સૌથી સારું રહ્યું છે.