કોવિડ વેરિયન્ટ / AIIMS ડાયરેક્ટરે કહ્યું, 'Omicronના 30થી વધુ મ્યૂટેશન, વેક્સીનની અસર પણ ઓછી થઇ શકે, હવે આ કામ કરવું જરૂરી

• Omicronના 30થી વધુ મ્યૂટેશનઃ ડૉ. રણદીપ ગુલેરિયા
• વેક્સીનની અસર પણ ઓછી થઇ શકે છેઃ ડૉ. રણદીપ ગુલેરિયા
• જેમણે રસીના બન્ને ડોઝ નથી લીધા તેમણે ડોઝ લેવા જોઈએઃ ડૉ. રણદીપ ગુલેરિયા

સરકાર આ નવા વેરિયન્ટને લઇને ગંભીરતાથી કામ કરી રહી છે કારણ કે કેટલાક દેશોમાં આનાથી સંક્રમણ ફેલાવાનું શરૂ થઇ ગયું છે. તેવામાં એઇમ્સના ડાયરેક્ટર ડૉ. રણદીપ ગુલેરિયાએ જણાવ્યું કે, કોરોનાનો આ નવા વેરિયન્ટ એટલો ખતરનાક કેમ છે.

ડૉ. રણદીપ ગુલેરિયાએ કહ્યું કે, કોરોના વાયરસના નવા Omicron વેરિયન્ટમાં તેના સ્પાઇક પ્રોટીનમાં 30થી વધુ ફેરપાર થયા છે, જેનાથી આને એક ઇમ્યૂનોસ્કેપ તંત્ર વિકસિત કરવાની ક્ષમતા મળી છે. એજ કારણ છે કે હવે આ વેરિયન્ટ સામે કોરોના વેક્સીનની અસરનું ગંભીર મુલ્યાંકન કરવાની જરૂર છે.

સ્પાઇક પ્રોટીનની હાજરીથી કોઈ પણ માણસના શરીરની કોશિકાઓમાં વાયરસ પ્રવેશવાની સુવિધા મળે છે. આને જ એ વ્યક્તિના શરીને સંક્રમિત કરવા અને સંક્રમણ પેદા કરવા માટે જવાબદાર ગણવામાં આવે છે.

વેક્સીનની અસર ઓછી થઇ શકે છેઃ ગુલેરિયા

કોરોનાના આ નવા વેરિયન્ટને લઇને એઇમ્સના ડાયરેક્ટરે કહ્યું કે, કોરોના વાયરસના નવા સંસ્કરણમાં સ્પાઇક પ્રોટીનમાં 30થી વધુ પરિવર્તન થયા છે એટલા માટે આમાં ઇમ્યૂનોસ્કેપ તંત્ર વિકસિત કરવાની ક્ષમતા છે. સ્પાઇક પ્રોટીન સામે એન્ટીબૉડી બનાવતી વધુ પડતી રસીમાં સ્પાઇક પ્રોટીનમાં એટલા બધા ફેરફારના કારણે તેની અસર ઓછી થઇ શકે છે.

તેમણે કહ્યું કે, જેને લઇને ભારતમાં ઉપયોગમાં લેવાતી વેક્સીનોની અસરનું ગંભીર રીતે મૂલ્યાંકન કરવાની જરૂરીયાત છે. ભવિષ્યમાં આ વાયરસ વિરૂદ્ધની લડાઈ એ વાત પર નિર્ભર કરે છે કે આના સંક્રમણની ક્ષમતા, વાયરસની તાકાત અને પ્રતિરક્ષણ ક્ષમતા પર ડેટા કયા નિષ્કર્ષ પર પહોંચે છે.

ત્યારે સરકારના સ્તરે પણ આ નવા વેરિયન્ટને લઇને ગંભીરતા જોવા મળી રહી છે. ઉચ્ચ સ્તરીય મીટિંગ બાદ અધિકારીઓએ કહ્યું કે, ભારતીય SARS-CoV-2 જીનોમિક કંસોર્ટિયા INSACOG COVID-19ના નવા વેરિયન્ટ B.1.1.1529 પર ચોકસાઇથી નજર રાખવામાં આવી રહી છે અને દેશમાં આની હાજરીની હજુ જાણ નથી થઇ.

આંતરરાષ્ટ્રિય પ્રવાસીઓ પર આક્રામક દેખરેખ રાખવામાં આવેઃ ગુલેરિયા

આંતરરાષ્ટ્રિય પ્રવાસીઓ અને સંક્રમિત વિસ્તારોથી આવતા લોકોને લઇને બહુ જ સતર્ક અને આક્રામક દેખરેખ રાખવાની જરૂર પર ધ્યાન આપવામાં આવે. તેમણે કહ્યું કે, એ નક્કી કરવું પડશે કે લોકોને રસીના બન્ને ડોઝ મળી ચૂક્યા છે અને જેમણે હજુ સુધી નથી લીધી તેમણે આગળ આવવા માટે પ્રોત્સાહિત કરવા જોઈએ.