કોરોના / લૉકડાઉનમાં રિક્ષાના પૈડાં થંભી ગયા તો ઘરમાં અન્ન-દાણા આવતા રોકાઈ ગયા, દ્રશ્યો ભાવુક કરી દેશે

• લોકડાઉને કારણે રિક્ષાચાલકોની હાલત કફોડી 
• ઘરમાં અન્નનો દાણો ખૂટ્યો તો અડીખમ ઉભા છે દેશ સેવામાં 

પરંતુ આ નિર્ણય તેમના માટે એક પડકાર બની ચૂક્યો છે. આપણે વાત કરવી છે અમદાવાદના રીક્ષા ચાલકોની.. જેમની તો રોજી ગણો કે, પરિવારનું ભારણ ગણો બધું જ રીક્ષા પર નિર્ભર છે. પરંતુ લોકડાઉને તેમની હાલત કફોડી કરી નાખી છે. ઘરમાં ખાવા અન્નનો દાણો નથી રહ્યો. ત્યારે આવાજ લોકોની મદદ અને તેમની પરિસ્થિતને જાણવા વીટીવી તેમના સુધી પહોંચ્યું હતું.

વીટીવી અમદાવાદના સાચા વોરિયર્સની

આવા જ મુશ્કેલી અને મહામારી ભર્યા માહોલમાં વીટીવી અમદાવાદના સાચા વોરિયર્સની શોધમાં નિકળ્યું. અમારી સફરની શરૂઆત શહેરના ચાંદખેડા વિસ્તારમાંથી થઈ. તો શરૂઆત સાથે જ એક એવા વોરિયર્સ સાથે ભેટો થઈ ગયો જે ગુજરાતને બચાવવા. અમદાવાદીઓને બચાવવા રક્ષકો સાથે મળી નિશ્વાર્થ ભાવે મહામારી સામે લડતો જોવા મળ્યો.

નામ છે રાજવીર. પરંતુ તેના ગુણ રાજવીર પરિવારોથી પણ સર્વોપરી છે. માત્ર 300-400 રૂપિયામાં પરિવાર ચલાવવો અને તેપણ અમદાવાદ જેવા શહેરમાં ખુદ મોટી વાત છે અને તેથી પણ મોટી વાત તો એ છે કે, હાલ તમામ લોકોને ઘરે બેસવાનો વારો આવ્યો. પોતાના ધંધા-રોજગાર બંધ થઈ ચૂક્યા છે. ત્યારે પણ નિશ્વાર્થ ભાવે રાજવીરભાઈ અને તેમના યુનિયન સાથે જોડાયેલા આવા 100 રીક્ષા ચાલકો શહેના 40 પોલીસ સ્ટેશનોમાં પોતાની રીક્ષા સાથે અડગ ઉભા છે. 

લોકડાઉનને કારણે રીક્ષાચાલકોના પરિવારની હાલત બની કફોડી 

શહેરના વિવિધ વિસ્તારોમાં કાોરોનાથી લોકાોને બચાવવા પોતાની રીક્ષા પર માઈક લગાવી નિકળી પડયા છે. છેલ્લા-18 દિવસોથી આવક બંધ થતાં અનેક રીક્ષા ચાલકોના પરિવારો મુશ્કોલીમાં મુકાયા છે. તેઓની હાલત કફોડી બની ચૂકી છે. માત્ર ગીરીશભાઈ જ નહીં આવા તો અહીં અનેક રીક્ષા ચાલકો અને તેમના પરિવારો વીટીવીની ટીમને જોવા મળ્યા. જેઓની પરિસ્થિતિ કફોડી છે. કારણ કે, અહીં માત્ર તેમની રીક્ષાના પૈડા જ નથી થમ્યા. પરંતુ તેમના પરિવારની રોજી રોકાઈ ગઈ છે.  

જરૂરિયાતમંદોને એક સંસ્થાએ કરી મદદ 

અમે તો અહીં માત્ર અપીલ જ કરી હતી. પરંતુ કહેવાય છે ને કે, શોધવા નિકળીએ તો ભગવાન પણ મળે. આવા જ એક વડીલરૂપી ભગવાન અમને મળી ગયા. જે આ કપરા સમયમાં જરૂરિયાતમંદો સુધી જીવન જરૂરી વસ્તુઓ પહોંચાડી તેમની મદદ કરે છે. અમારી અપીલ બાદ જયભીમ એકતા સંઘ કરીને ચાલતી આ સંસ્થાએ પણ તેવા તમામ રીક્ષા ચાલકોની મદદ કરી જેમને સાચા અર્થમાં મદદની જરૂર હતી. જેમના પરિવારની સ્થિતિ કપરી હતી.