તમારા કામનું / તમારા બાળકમાં પણ દેખાય આવા કોઇ લક્ષણો તો ચેતી જજો! હોઇ શકે છે કોરોના

• બાળકોમાં વધી રહ્યું છે કોરોનાનું સંક્રમણ
• સુરતમાં ગઇકાલે 14 મહિનાના બાળકનું થયું મોત 
• ડોકટરે જણાવ્યા બાળકોમાં દેખાતા કોરોનાના લક્ષણો

સુરતમાં ગઇકાલે એવો એક મામલો સામે આવ્યો જેમાં 14 મહિનાના એક બાળકનું કોરોનાને કારણે મૃત્યુ થયું.એટલું જ નહીં મહારાષ્ટ્ર, હરિયાણા, કર્ણાટક સહિત દેશના કેટલાય રાજ્યોમાં બાળકોમાં કોરોના સંક્રમણ વધી રહ્યું હોવાનું સામે આવ્યું છે. ત્યારે ડોક્ટરોએ બાળકોમાં કોરોનાના લક્ષણો અંગેની જાણકારી આપી હતી. 

બાળકોમાં દેખાતા કોરોનાના લક્ષણો

• ખૂબ જ તાવ આવવો 
• શ્વાસ લેવામાં તકલીફ પડવી 
• સામાન્ય ઉધરસ
• થાક
• પેટમાં દુખાવો
• ઉલ્ટી
• ત્વચામાં સોજો આવવો 
• લાલ આંખો થવી 
• મોઢામાં ચાંદી પડવી 
• ભૂખ ઓછી લાગવી
• સ્વાદની કાઇ ખબર પડવી 

ઉપરના તમામ લક્ષણો પૈકી કોઇપણ લક્ષણ જો તમારા બાળકમાં પણ જોવા મળે તો પેરેન્ટ્સે સાવધ થવું જોઇએ અને નજીકના બાળકોના દવાખાનાનો સંપર્ક
કરવો જોઇએ. 

કયા રાજ્યોના બાળકોમાં જોવા મળ્યા છે કોરોનાના લક્ષણ? 

8 થી 12 વર્ષ સુધીના બાળકોમાં કોરોનાના સૌથી વધુ લક્ષણ જોવા મળી રહ્યા છે. જેમાં મહારાષ્ટ્ર, હરિયાણા, ગુજરાત, કર્ણાટક, ઉત્તર પ્રદેશ, છત્તીસગઢ, દિલ્હી વગેરેનો સમાવેશ થાય છે. 

બાળકને જો કોરોનાના લક્ષણો દેખાય તો શું કરવું ? 

નિષ્ણાતો જણાવી રહ્યા છે કે, બાળકોમાં જો કોરોનાના લક્ષણો જોવા મળે તો તેમને અન્ય કોરોના સંક્રમિત લોકોથી દૂર રાખવા જોઇએ. તો બાળકને ફરજીયાત માસ્ક પહેરાવવું જોઇએ. 

આ સાથે જ બાળકોને શક્ય હોય તો શોપિંગ મોલમાં ન લઇ જવા જોઇએ કે, સ્વીમિંગના ક્લાસમાં પણ ન મોકલવા જોઇએ અને બાળકોના ડોક્ટરની સલાહ મુજબ જ તેમને કોઇપણ પ્રકારની દવા આપવી જોઇએ. 

ખાસ જૂઓ આ VIDEO....

ભારતમાં આજે નોંધાયા છે 2 લાખથી વધુ કેસ 

કોરોનાની બીજી લહેર ખૂબ વિકરાળરુપ ધારણ કરી રહી છે. ગત 24 કલાકમાં પોઝિટિવ કેસોની સંખ્યા 2 લાખ 16 હજારથી વધારે જોવા મળી છે. ભારતમાં કોવિડ 19ના એક દિવસમાં રેકોર્ડ નોંધાતા 2 લાખથી વધારે કેસ નોંધાતા એક્ટિવ કેસની સંખ્યા 15 લાખને પાર થઈ ગઈ છે. મહામારીની શરુઆતમાં અત્યાર સુધીના સૌથી વધારે આંકડા આવ્યા છે. જ્યારે એક દિવસમાં 2 લાખ 16 હજારથી વધારે કેસ મળ્યા છે. એક દિવસમાં 2 લાખથી વધારે આવનારા કેસની આ સફર માત્ર 10 દિવસમાં પુરી થઈ છે. જે એ દર્શાવે છે કે કોરોનાની બીજી લહેર કેટલી ખતરનાક છે.