ઘટતો કોરોના / રાજ્યમાં 4464 એક્ટિવ કેસઃ 347 નવા કોરોના કેસ, 887 સાજા થયા, 6 દર્દીના મોત

Hiren

Last Updated: 08:30 PM, 21 February 2022

FOLLOW ON

શેર કરો

છેલ્લા 24 કલાકમાં દેશમાં કોરોનાના નવા કેસ 16 હજાર 51 કેસ નોંધાયા તો આજે ગુજરાતમાં માત્ર 347 કેસ પોઝિટિવ આવતા લોકો રાહતનો શ્વાસ લઇ રહ્યા છે.

રાજ્યમાં કોરોનાના નવા 347 નવા કેસ નોંધાયા
887 દર્દી સાજા થયા, 6 દર્દીના મૃત્યુ થયા, 4464 એક્ટિવ કેસ
વડોદરામાં 3, જૂનાગઢમાં 2 અને અમદાવાદમાં 1 દર્દીનું મોત

રાજ્યમાં સતત કોરોનાનું સંક્રમણ ઘટી રહ્યુ છે. છેલ્લા 24 કલાકમાં કોરોનાના 347 કેસ નોંધાયા છે અને 887 દર્દી સાજા થયા છે. જ્યારે એક્ટિવ કેસની સંખ્યા 4464 પર આવી પહોંચી છે. તો આજે 6 દર્દીના મૃત્યુ થયા છે. અત્યાર સુધી કોરોનાને કારણે કુલ 10902 દર્દીના મૃત્યુ થયા છે. કુલ 40 કોરોનાગ્રસ્ત દર્દીઓ હાલ વેન્ટિલેટર પર અને 4424 દર્દી સ્ટેબલ છે. કુલ સાજા થયેલા દર્દીઓની સંખ્યા 1205543 પર પહોંચી છે. આજે રાજ્યમાં કુલ 160799 દર્દીઓનું રસીકરણ થયું છે. તો રિકવરી રેટ વધીને 98.74 ટકા પર પહોંચ્યો છે.

અમદાવાદ શહેરમાં 128, વડોદરા શહેરમાં 36, વડોદરા ગ્રામ્યમાં 23, બનાસકાંઠામાં 19, ગાંધીનગર શહેરમાં 16, રાજકોટ શહેરમાં 13, આણંદમાં 12, રાજકોટ ગ્રામ્યમાં 12, અરવલ્લીમાં 9, સુરત શહેરમાં 8, દાહોદમાં 7, ખેડામાં 7, મોરબીમાં 7, સુરત ગ્રામ્યમાં 7, પાટણમાં 5, તાપીમાં 5, અમદાવાદ ગ્રામ્યમાં 4, નવસારીમાં 4, ભાવનગર ગ્રામ્યમાં 3, ભાવનગર શહેરમાં 3, સુરેન્દ્રનગરમાં 3, ભરૂચમાં 2, ગાંધીનગરમાં 2, ગીર સોમનાથમાં 2, કચ્છમાં 2, સાબરકાંઠામાં 2, અમરેલીમાં 1, છોટા ઉદેપુરમાં 1, જામનગર ગ્રામ્યમાં 1, મહેસાણામાં 1 અને વલસાડમાં 1 કેસ નોંધાયા છે.