રાજનીતિ / ડૉ.મનમોહન સિંહને રાજ્યસભામાં મોકલવા કોંગ્રેસ પાસે બચ્યો માત્ર આ રાજ્યનો સહારો

vtvAdmin

Last Updated: 11:51 AM, 3 July 2019

FOLLOW ON

શેર કરો

પૂર્વ વડાપ્રધાન ડૉ. મનમોહન સિંહ (Manmohan Singh) ના રાજ્યસભામાં મોકલવાને લઇને કોંગ્રેસ વિકટ સ્તિથિનો સામનો કરી રહી છે. કોંગ્રેસ પાસે અસમ અને ગુજરાતમાં રસ્તો બંધ થયા બાદ હવે રાજસ્થાન એક માત્ર સહારો છે. તમિલનાડુમાં પણ સહયોગી ડ્રવિડ મુનેત્ર કષગમ (DMK)એ મંગળવારે રાજ્યની ત્રણ રાજ્યસભા બેઠકો પૈકી 2 બેઠક પોતાની પાસે રાખી ત્રીજી બેઠક કોંગ્રેસના સ્થાને અન્ય સહયોગી પાર્ટી MDMKના વી. ગોપાલસ્વામી અથવા વાઇકોને જાહેર કરી હતી.

તમિલનાડુમાં સત્તાધીન ઓલ ઇન્ડિયા અન્ના દ્રવિડ મુનેત્ર કષગમ (AIADMK) તથા વિપક્ષી દળ DMK, બંને પાસે એટલા ધારાસભ્ય થે કે ત્રણ-ત્રણ બેઠક જીતી શકે છે. ગત દિવસોએ સમાચાર મળ્યા હતા કે એક સમયે વડાપ્રધાન પદ માટે કોંગ્રેસ અધ્યક્ષ રાહુલ ગાંધીની નામની વાત કરનાર DMK પ્રમુખ એમ.કે. સ્ટાલિન આ વાત માટે રાજી હતા કે પોતાના ક્વોટામાંથી એક બેઠક ડૉ. મનમોહન સિંહને આપશે.

સૂત્રોનું કહેવું છે કે DMK નો ઇરાદો બદલવાનું પાછળ કારણ છે કે કોંગ્રેસના ટોચના બે નેતાઓ- રાહુલ ગાંધી અને તેમની માતા સોનિયા ગાંધીએ સીધા એમ.કે.સ્ટાલિનને વાત ન કરી, પરંતુ તેમના સ્થાને કોંગ્રેસ નેતાઓ અહમદ પટેલ અને ગુલામ નબી આઝાદે DMKમાં પોતાના સમકક્ષને વાત કરી હતી. જેના કારણે DMK નેતૃત્વ નારાજ થઇ ગયું હતું.

વર્ષ 2014માં કોંગ્રેસ આગેવાની વાળા યુપીએની સરકારની હાર પહેલા 10 વર્ષ સુધી વડાપ્રધાન રહેલા ડૉ. મનમોહન સિંહ પૂર્વોત્તરના આસામ રાજ્યથી રાજ્યસભા સાંસદ હતા. પરંતુ જ્યારે આ રાજ્યમાં કોંગ્રેસ પાસે પુરતી સંખ્યામાં ધારાસભ્ય નથી, જે દ્વારા ડૉ. સિંહને સંસદ સુધી મોકલી શકાય.

હવે વાત કરીએ ગુજરાતની તો, કોંગ્રેસે ગુજરાતથી ડૉ. સિંહને રાજ્યસભા મોકલવાનો નિર્ણય લીધો હતો. પરંતુ કેન્દ્રીય મંત્રીઓ અમિત શાહ અને સ્મૃતિ ઇરાનીના લોકસભા સભ્ય બન્યા બાદ 2 બેઠક ખાલી પડી હતી. જોકે, રાજ્યની બંને રાજ્યસભા બેઠક પર એક સાથે ચૂંટણી કરાવવાની માંગ ફગાવતા પાર્ટીએ આ નિર્ણય બદલી નાંખ્યો હતો.

હવે સમાચાર મળી રહ્યા છે કે, કોંગ્રેસની યોજના ડૉ. મનમોહન સિંહને રાજસ્થાનથી રાજ્યસભામાં મોકલવાની છે. જ્યાં ગત મહીને જ રાજ્ય BJP પ્રમુખ મદનલાલ સૈનીના નિધન બાદ એક રાજ્યસભા બેઠક ખાલી થઇ છે. તેમનો કાર્યકાળ એપ્રિલ 2024 હતો. ગત વર્ષ ડિસેમ્બરમાં રાજસ્થાન વિધાનસભા ચૂંટણી જીતીને રાજ્યમાં સત્તારૂઢ બનેલી કોંગ્રેસને પોતાની જીતનો સંપૂર્ણ વિશ્વાસ છે.

સંકળાયેલા મુદ્દાઓ

Rajasthan Rajya Sabha Rajya Sabha News congress dr. manmohan singh ગુજરાતી ન્યૂઝ politics