છાંટા ઉડ્યા / સરપંચની ઉમેદવાર મોડલ એશ્રા પટેલ સામે એટ્રોસિટીની ફરિયાદ,જાણો સમગ્ર મામલો

• મુંબઈની મોડલ એશ્રા પટેલ સહીત 12 સામે ફરિયાદ 
• કાવીઠામાં સરપંચની ઉમેદવાર પર હુમલાનો પ્રયાસ 
• પ્રતિસ્પર્ધી મહિલાના પતિએ એટ્રોસિટી એકટ લગાવ્યો 

છોટાઉદેપુરમાં કાવીઠા ગ્રામપંચાયતની ચૂંટણીના ઉમેદવાર એશ્રા પટેલ સામે એટ્રોસિટી ફરિયાદ નોંધાતા ચકચાર મચી ગઈ છે.મુંબઈમાં મોડેલીગ કરતી એશ્રા, પોતાના ગામ કાવીઠામાં સરપંચ બનવા માટે ચૂંટણીમાં ઉભી હતી. રવિવારે યોજાયેલા મતદાન દરમિયાન ઉમેદવારો સામસામે આવી જતા ઘર્ષણ સર્જાયું હતું. કાવીઠામાં સરપંચ પદની પ્રતિસ્પર્ધી ઉમેદવારના પતિએ એટ્રોસિટી એક્ટ હેઠળ ફરિયાદ નોંધાવી છે. નોંધનીય છે કે, રવિવારે  રાત્રીના મતદાન મથકે બબાલ થઈ હતી. એશ્રા પટેલ, તેના પિતા સહિત 12 સામે FIR થઈ છે.

રવિવારે રાત્રીની ઘટનામાં કહેવાય છે કે, એશ્રા પટેલ પર હુમલાનો પ્રયાસ થયો હતો. પ્રતિસ્પર્ધી રહેલા જ્યોતીકાબહેનનાં ટેકેદારો અને એશ્રાના સમર્થકો સામસામે આવી ગયા હતા. જેમાં એશ્રા પર હુમલાના પ્રયાસ ની પણ વાત હતી. ઘટના સ્થળે પોલીસ પહોચી ગઈ હતી અને મામલો થાળે પાડ્યો હતો.