બોલ મારી અંબે / CM રૂપાણીની અંબાજીમાં ચૂંટણી અને કોરોના સામેની "વિજય વંદના"

Gayatri

Last Updated: 12:36 PM, 7 March 2021

FOLLOW ON

શેર કરો

સ્થાનિક સ્વરાજ્યની ચૂંટણીમાં ભવ્ય વિજય અને કોરોના સામેની જંગનો વિજય મેળવ્યા બાદ માં જગદંબાની વંદના કરવા પહોંચ્યા હતા CM રૂપાણી

મુખ્યમંત્રી વિજય રૂપાણી પહોંચ્યા મા અંબાના દ્વારે
CM અને તેના ધર્મપત્નીએ મા અંબાના દર્શન કર્યા
અંબાજી મંદિરની વહેલી સવારની આરતીમાં લીધો ભાગ

ગુજરાતના મુખ્યમંત્રી પોતાના પત્ની સાથે અંબાજીમાં માતાના ચરણે શીશઝુકાવવા પહોંચી ગયા હતા. સ્થાનિક સ્વરાજ્યની ચૂંટણીમાં મળેલા ભવ્ય વિજય માટે મા આદ્યાશક્તિનો આભાર માવા CM રૂપાણી પહોંચ્યા હતા. વળી તેઓ પણ કોરોનાનો ભોગ બન્યા હતા અને હેમખેમ તેમાંથી રિકવર પણ થયા હતા. તેનો પણ માતાજી પાસે આભાર માન્યો હતો.

આજે એટલે કે રવિવારે CM રૂપાણી અને તેમના પત્ની અંજલીબેન રૂપાણીએ યાત્રાધામ અંબાજીમાં માં જગદંબાના દર્શને આવ્યા હતા. તેઓ અહીં રાત્રી રોકાણ કર્યુ હતુ. અહીં CM રૂપાણીનું ભવ્ય સ્વાગત કરવામાં આવ્યું હતુ. પોતાના ધર્મ પત્ની સાથે CM રૂપાણીએ વહેલી સવારની મંગળા આરતીમાં ભાગ લીધો હતો.

CM રૂપાણીનું સ્વાગત

CM રૂપાણીનું અંબાજી મંદિર દેવસ્થાન ટ્રસ્ટ દ્વારા ખેસ પહેરાવી કુમકુમ તિલક કરી સ્વાગત કરાયુ હતુ અને ત્યાર બાદ મંદિરમાં માતાજીની પૂજા અર્ચના સહિત કપૂર આરતી પણ કરી હતી. અંબાજી મંદિરમાં મંદિર ટ્રસ્ટના ચેરમેન અને કલેકટર આનંદ પટેલ દ્વારા મુખ્યમંત્રી વિજય રૂપાણીને સ્મુતિ ચિન્હ અર્પણ કર્યું હતું. ત્યારબાદ મુખ્યમંત્રી વિજય રૂપાણી માતાજીની ગાદીએ પહોંચી ભટ્ટજી મહારાજ પાસે રક્ષા પોટલી બંધાવી આશીર્વાદ મેળવ્યા હતા.