ઉન્નાવ રેપ કેસ / સુપ્રીમ કોર્ટમાં કાલે સુનાવણી, ઉત્તર પ્રદેશમાંથી કેસ થઇ શકે છે ટ્રાન્સફર

vtvAdmin

Last Updated: 05:37 PM, 31 July 2019

FOLLOW ON

શેર કરો

ઉન્નાવ રેપ કેસમાં સુપ્રીમ કોર્ટ આવતી કાલે સુનાવણી હાથ ધરશે. ચીફ જસ્ટિસ રંજન ગોગોઇએ પીડિતાની મેડિકલ રિપોર્ટ મંગાવી છે. કોર્ટમાં સુનાવણી દરમિયાન સીનિયર વકીલ વી ગિરીએ કહ્યું કે આ મામલાને ઉત્તર પ્રદેશની બહાર ટ્રાન્સફર કરવામાં આવે.

જાન્યુઆરીમાં પીડિતાની માતાએ દાખલ કરી હતી અરજી
આ વર્ષના જાન્યુઆરી મહિનામાં પીડિતાની માતાએ સુપ્રીમ કોર્ટમાં કેસ ટ્રાન્સફર કરવાની અરજી દાખલ કરી હતી. પોતાની અરજીમાં પીડિતાની માતાએ કહ્યું હતું કે આ મામલે ઉત્તર પ્રદેશમાં નિષ્પક્ષ તપાસ થઇ શકશે નહીં. જેના કારણે આ મામલાને લખનઉની જગ્યા દિલ્હીમાં ટ્રાન્સફર કરવામાં આવે.

ચાર આરોપીઓએ નોટિસ રિસીવ કરી નહીં..
પીડિતાની માતાએ કરેલી અરજી પર સુપ્રીમ કોર્ટે 16 એપ્રિલના રોજ ઉત્તર પ્રદેશની સરકાર, સીબીઆઇ અને આરોપીઓને નોટિસ પાઠવી હતી. ગત સોમવારે આ મામલો રજિસ્ટ્રારની કોર્ટ સામે આવ્યો અને બહાર આવ્યું કે હજુ સુધી ચાર આરોપીઓએ નોટિસ રિસીવ કરી નથી. આ મામલે સુનાવણી હજુ સુધી થઇ શકી નથી. બધા આરોપીઓને નોટિસ આપ્યા બાદ આ મામલે સુનાવણી હાથ ધરાશે.

ચીફ જસ્ટિસે રજિસ્ટ્રાર પાસે રિપોર્ટ માંગ્યો
આ વચ્ચે મંગળવારના રોજ સુપ્રીમ કોર્ટના ચીફ જસ્ટિસ રંજન ગોગોઇએ રજિસ્ટ્રાર પાસે રિપોર્ટ માગ્યો છે. ચીફ જસ્ટિસે રજિસ્ટ્રારને પૂછ્યું કે ઉન્નાવ પીડિતાની માતાએ ક્યારે પત્ર લખ્યો હતો અને અત્યાર સુધી ન્યાયાધીશોના ધ્યાનમાં આ મામલો કેમ લાવવામાં આવ્યો નથી?

આમ ઉન્નાવ રેપ મામલે સુપ્રીમ કોર્ટના ચીફ જસ્ટીસ રંજન ગોગોઇએ સુપ્રીમ કોર્ટના રજિસ્ટ્રીને એક અઠવાડિયાની અંદર જવાબ દાખલ કરવા આદેશ આપ્યો છે. ચીફ જસ્ટિસે ઉન્નાવ દુષ્કર્મ પીડિતાના પરિવાર દ્વારા 12 જુલાઇએ લખેલા પત્રને રજૂ કરવામાં થયેલા વિલંબને લઇને જવાબ માગ્યો છે.

સંકળાયેલા મુદ્દાઓ

Unnao Rape cji ranjan gogoi ઉન્નાવ રેપ કેસ સુપ્રીમ કોર્ટ unnao rape case