એક્શન / મંદિરમાં તોડફોડ મામલે અમિત શાહે પોલીસ કમિશ્નરને લગાવી ફટકાર

ન્યૂ દિલ્હીઃ હૌઝ કાઝી વિસ્તારમાં એક સમુદાય વિશેષનાં લોકો દ્વારા એક મંદિર (Delhi Temple Attack) માં તોડફોડ કરવા અને મૂર્તિઓને તોડવાની ઘટનાઓને ગૃહમંત્રી અમિત શાહે (Amit shah) ગંભીરતાથી લીધેલ છે. સૂત્રોનાં જણાવ્યા અનુસાર, ગૃહમંત્રી અમિત શાહે આ મામલે દિલ્હી પોલીસની અત્યાર સુધીની કાર્યવાહીથી અંસતુષ્ટ છે. તેઓએ દિલ્હી પોલીસ કમિશ્નર અમૂલ્ય પટનાયકને ખખડાવ્યાં છે. શાહ સાથે મુલાકાત બાદ પોલીસ કમિશ્નર પટનાયકે જણાવ્યું કે તેઓએ ગૃહમંત્રીને વર્તમાન પરિસ્થિતિ વિશેની જાણકારી આપી.

હૌઝ કાઝી વિસ્તારમાં હાલત હવે સામાન્ય છે. આ મામલામાં 4 લોકોની ધરપકડ પણ કરી લેવામાં આવી છે. તમને જણાવી દઇએ કે દિલ્હીનાં હૌઝ કાઝી વિસ્તારમાં રવિવારનાં પાર્કિંગને લઇને બોલાચાલી મામલે બે સમુદાયો વચ્ચે થોડી ઝપાઝપી થઇ ગઇ અને એક સમુદાય વિશેષનાં કેટલાંક લોકોએ એક મંદિરમાં તોડફોડ કરી.

Day 2 of the temple incident and no action yet by Home Minister, Delhi Police under the BJP rules Centre. We know the ruling party doesn't care about minorities but does it also not care for the sentiments of majority?

— Abhishek Singhvi (@DrAMSinghvi) July 3, 2019

પોલીસ અને સ્થાનીય લોકોનાં પ્રયાસથી તણાવમાં ઘટાડોઃ
મંદિરમાં તોડફોડ બાદ હૌઝ કાઝીમાં પસરા સાંપ્રદાયિક તણાવ બુધવારથી થોડોક ઓછો થઇ ગયો છે. અહીં લાલ કુઆ વિસ્તારમાં સામાન્ય લોકો, સ્થાનીય નેતાઓ અને વેપારીઓનાં પરસ્પર ભાવના અને પોલીસનાં ભારે બંદોબસ્ત વચ્ચે બજાર ખુલ્યાં. પોલીસનાં આશ્વાસન બાદ વેપારીઓએ સવારનાં પોતાની દુકાનો ખોલવાનું શરૂ કર્યુ. તેમ છતાં તેઓ સતર્ક છે. મળતી જાણકારી અનુસાર આજ સવારનાં જ એક ધાર્મિક ભાવનાનું એક ઉદાહરણ જોવા મળ્યું. બંને સમુદાયોનાં લોકોએ ક્ષતિગ્રસ્ત ધાર્મિક સ્થળ પર મળીને પ્રાર્થના કરી.

એવામાં હૌઝ કાઝી વિસ્તારની ઘટના પર કોંગ્રેસનાં વરિષ્ઠ નેતા અભિષેક મનુ સિંઘવીએ ગૃહમંત્રી અમિત શાહ પર સવાલ ઉઠાવ્યા હતાં. સિંઘવીએ ટ્વિટ કર્યુ હતું કે, 'મંદિરની ઘટનાનાં 2 દિવસ બાદ પણ ગૃહમંત્રીની તરફથી કોઇ એક્શન નહીં. દિલ્હી પોલીસ બીજેપી શાસિત કેન્દ્ર સરકારનાં આધીન છે. અમને ખ્યાલ છે કે સત્તાધારી પાર્ટી લઘુમતીઓની પરવાહ નથી પરંતુ તેઓ બહુમતીની ભાવનાઓને પણ કેન્દ્રમાં નથી રાખતા?

ઉલ્લેખનીય છે કે અગાઉ 30 જૂનનાં રોજ દિલ્હીનાં હૌઝ કાઝી વિસ્તારમાં સ્કૂટર પાર્કિંગને લઇને સર્જાયેલા વિવાદ બાદ બે સંપ્રદાયનાં લોકો આમને સામને આવી ગયા હતાં. જેમાં ભારે તણાવ વચ્ચે આ વિસ્તારમાં આવેલા એક મંદિરને ભારે નુકસાન પહોંચાડવામાં આવ્યું હતું. જ્યાર બાદ આ તણાવ વધી ગયો હતો.