અનુમાન / મહારાષ્ટ્રમાં જો લોકડાઉન થાય, તો દેશને થાય એટલું નુકસાન કે આંકડો જાણીને ચોંકી જશો

• મહારાષ્ટ્રમાં જો લોકડાઉન થાય તો દેશને પણ નુકસાન થાય 
• કેર રેટિંગ એજન્સી પ્રમાણે દેશને 40 હજાર કરોડ જેટલું નુકસાન થઈ શકે 
• ટ્રેડ, હોટેલ અને ટ્રાન્સપોર્ટ સેક્ટરને સૌથી મોટું નુકસાન થવાની સંભાવના 

દેશમાં સૌથી વધુ કોરોનાના કેસ હાલમાં મહારાષ્ટ્રમાં સામે આવી રહ્યા છે, જો કે રાજ્યમાં નાઈટ કર્ફ્યૂ સહિતના પ્રતિબંધો પહેલાથી જ અમલમાં મૂકી દેવામાં આવ્યા છે, તેમ છતાં કોરોના કેસો નિયંત્રણ બહાર રહેતા લોકડાઉનની ચર્ચાઓ ચાલી રહી છે. 

મહારાષ્ટ્રમાં નોંધાઈ રહ્યા છે વધુ કેસ 

હકીકતે, દેશભરમાં જેટલા પણ કોરોનાના નવા કેસો આવી રહ્યા છે, તેમાંથી અડધાથી વધુ માત્ર મહારાષ્ટ્રમાંથી જ આવી રહ્યા છે, અને 5 એપ્રિલે જ્યારે દેશભરમાં દૈનિક કેસોનો આંકડો 1 લાખને પાર પહોંચી ગયો હતો, ત્યારે પણ એકલા મહારાષ્ટ્રના જ 47 હજાર કેસો હતા. આની પહેલા 4 એપ્રિલના રોજ મહારાષ્ટ્રમાં 57,704 કેસ નોંધાયા હતા. જે ભારતના કોઈ પણ રાજ્યમાં એક દિવસમાં નોંધાયેલા કોરોના કેસોની સૌથી વધુ સંખ્યા છે.

હવે મહારાષ્ટ્રમાં લોકડાઉન જો લાદવામાં આવે તો તેનાથી થનારા આર્થિક નુકસાનનું અનુમાન લગવાઈ રહ્યું છે, અને કેર રેટિંગ્સ નામની એક એજન્સીના જણાવ્યા મુજબ આનાથી દેશને 40 હજાર કરોડ રૂપિયા સુધીનું નુકસાન જઈ શકે છે. રેટિંગ એજન્સીના જણાવ્યા આકલન મુજબ એક મહિનાના લોકડાઉનની સૌથી વધુ અસર ટ્રેડ, હોટેલ અને ટ્રાન્સપોર્ટ સેક્ટર પર પડશે.  

40 હજાર કરોડ રૂપિયાનું  જીવીએ પ્રભાવિત થઈ શકે છે 

રેટિંગ એજન્સીના જણાવ્યા અનુસાર, હાલના નવા દિશા નિર્દેશો અનુસાર અમારું અનુમાન છે કે જો એક મહિનાનું લોકડાઉન લદાય તો 40 હજાર કરોડ રૂપિયાનું જીવીએ પ્રભાવિત થઈ શકે છે અને જો લોકડાઉન આગળ વધે તો રાજ્યમાં ઉત્પાદન હજુ પણ ઘટી શકે છે. તેમણે વધુમાં કહ્યું હતું કે, આ આર્થિક નુકસાનથી ઘરેલુ અર્થતંત્રની સકલ મૂલ્ય વર્ધન એટલે કે GVA ની વૃદ્ધિ 0.32 ટકા ઘટી શકે છે, GSGP અથવા ગ્રોસ સ્ટેટ ડોમેસ્ટિક પ્રોડક્ટના જોવા પ્રમાણે મહારાષ્ટ્ર દેશનું સૌથી મોટું રાજ્ય છે, આમાં મહારાષ્ટ્રનું યોગદાન 15 ટકા જેટલું છે. 

આ સિવાય રેટિંગ એજન્સીએ એમમપં જણાવ્યું હતું કે આનાથી ટ્રેડ, હોટેલ અને ટ્રાન્સપોર્ટ સેક્ટરને 15772 કરોડ રૂપિયાનું નુકસાન થઈ શકે છે. તે જ સમયે પબ્લિક એડમિનિસ્ટ્રેશનને 8192 અને રિયલ એસ્ટેટ અને પ્રોફેશનલ સર્વિસને 9885 કરોડનું નુકસાન થઈ શકે છે.