ચૂંટણી / અમદાવાદ પૂર્વ બેઠક પર આ બે દાવેદારોને લઇને ભાજપ ટેન્શનમાં, કોને મળશે ટિકિટ?

vtvAdmin

Last Updated: 11:46 AM, 31 March 2019

FOLLOW ON

શેર કરો

ભાજપ અને કોંગ્રેસ બંને જ્ઞાતિય સમીકરણો ગોઠવવા માટે અમદાવાદ પૂર્વની બેઠક પર ઉમેદવાર જાહેર કરવામાં વિલંબ કરી રહ્યાં છે. ભાજપ-કોંગ્રેસ એકબીજાના ઉમેદવારની રાહ જોઇ રહ્યાં છે. ત્યારે અહીં સ્થાનિક નેતાને ટિકિટ આપવાની માંગ થઇ રહી છે. બીજી બાજુ બાહ્મણ લોબી પણ પોતાના ઉમેદવારને ટિકિટ મળે તેવા પ્રયત્નો કરી રહ્યા છે. ત્યારે જાણો કોણ એ આ બેઠક પરના દાવેદારો...

અમદાવાદ પૂર્વ બેઠક પર ભાજપમાં ઉમેદવારીને લઇ હજુ પણ અસમંજસની સ્થિતિ છે. અમદાવાદ પૂર્વ બેઠક પર સી.કે.પટેલ અને મનોજ જોશીએ દાવેદારી કરી છે. ત્યારે કાર્યકર્તાઓએ સ્થાનિક ઉમેદવારને ટિકિટ આપવાની માગ કરી છે.

ત્યારે અમદાવાદ પૂર્વ બેઠક માટે સી.કે.પટેલનું નામ મોખરે છે. સી.કે.પટેલ પાટીદાર તેમજ સ્થાનિક હોવાથી પ્રબળ દાવેદાર છે. તો બ્રાહ્મણ લોબી પણ પોતાના ઉમેદવારને ટિકિટ માટે પ્રયત્નો કરી રહી છે.

અમદાવાદ પૂર્વ બેઠક પરના દાવેદારો

મહત્વનું છે કે અમદાવાદ પૂર્વ બેઠક પર મનોજ જોશી તેના પ્રખર દાવેદાર છે. ભરત પંડ્યા, ભૂષણ ભટ્ટ અને મહેશ કસવાલાનું નામ પણ રેસમાં છે. જગદીશ પંચાલ, સી.કે પટેલ, જગરૂપ સિંહ દાવેદાર પણ છે. આ મહિલા ઉમેદવાર તરીકે ભાવના દવે, નિર્મલા વાઘવાણીનું પણ નામ છે.

સાંસદ પરેશ રાવલની ટિકિટ કપાઈ શકે છે

ભાજપે વર્ષ 2014માં અમદાવાદ પૂર્વ બેઠક પર પૂર્વ સાંસદ હરિન પાઠકનું પત્તુ કાપીને બોલિવુડના અભિનેતા પરેશ રાવળને મેદાને ઉતાર્યા હતા. જેઓ આ બેઠક પર જંગી મતોથી જીત્યા હતા. જોકે હવે તેઓ દિલ્હી અને મુંબઇમાં આટાંફેરા મારે છે અને સંસદીય ક્ષેત્રમાં ન દેખાતા હોવોના આક્ષેપો લાગી રહ્યા છે. તેથી આ બેઠક પર તેમની ટિકિટ કપાઇ શકે તેવી સ્થિતિ છે. ત્યારે આ બેઠક પર પરેશ રાવલને રિપીટ કરાશે તો કોંગ્રેસ 'કહોના પ્યાર હે'ની એક્ટ્રેસ અમિષા પટેલને ટિકિટ આપી શકે છે.

સ્થાનિકોને ટિકિટ આપવાની માંગ

સૂત્રો દ્વારા મળતી માહિતી અનુસાર, સ્થાનિક કાર્યકર્તાઓ દ્વારા પક્ષને રજૂઆત કરવામાં આવી રહી છે કે સાંસદ પરેશ રાવલને રિપીટ ન કરવામાં આવે. કાર્યકર્તાઓમાં પહેલાથી જ નારાજગી જોવા મળી રહી છે. પરેશ રાવલની ક્ષેત્રમાં પાંખી હાજરી અને સ્થાનિક લેવલે પકડ ન હોવાને લઇને કાર્યકર્તાઓ નારાજ છે. તેમણે માંગ કરી છે કે, બહારના નેતા અથવા અભિનેતાને ટિકિટ આપવા કરતા સ્થાનિકોને ટિકિટ આપવામાં આવે.