NULL / BSNLએ શરૂ કરી સર્વિસ 1 વર્ષ સુધી માત્ર આટલા રૂપિયામાં મળશે અનલિમિટેડ વૉયસ-વીડિયો કૉલ

સરકારી ક્ષેત્રની ટેલિકૉમ કંપની BSNLએ પોતાની ઇન્ટરનેટ ટેલિફોન સેવાની શરૂઆત કરી દીધી છે. આ સેવા હાલમાં પુદ્દુચેરીમાં લોન્ચ કરવામાં આવી છે. આ સર્વિસ હેઠળ યૂઝર્સ સિમ અને નેટવર્ક વગર પણ ફોન કરી શકશે. BSNLએ આ નવી સર્વિસનુ નામ WINGS છે. કંપનીએ આ સર્વિસને TRAI દ્વારા આપેલા ગાઇડલાઇન્સની હેઠળ પેશ કરી છે. તમને જણાવી દઇએ કે આ સર્વિસને કારણે દેશના દૂરના વિસ્તારોમાં લોકો એકબીજાની સાથે કનેક્ટ થશે.

જાણો BSNL WINGS વિશે:

BSNL Wings સર્વિસની હેઠળ યૂઝર્સ કોઇ પણ ઇન્ટરનેટ સર્વિસ પ્રોવાઇડર અથવા તો ઑપરેટરની મદદથી વૉયસ કૉલ કરી શકશે. આ સિવાય યૂઝર્સ પબ્લિક WIFI ઇન્ટરનેટ હોટસ્પૉટની મદદથ વૉયસ કૉલ કરી શકશે. આ સર્વિસની સૌથી ખાસ વાત છે કે WINGS યૂઝર્સ સિમ વગર કોઇ પણ લેંડલાઇન અથવા તો પોર્ટેબલ ડિવાઇસ પર વીડિયો અને વૉયસ કૉલ કરી શકશે જેનો સીધો મતલબ એમ છે કે કોઇ પણ યૂઝર્સ સિમ વગર પોતાના ડેસ્કટૉપ લેપટૉપ અને મોબાઇલથી કૉલ કનેક્ટ કરી શકશે. કંપનીએ જણાવ્યુ કે આ સર્વિસ ખાસ કરીને તે ક્ષેત્રોમાં લોન્ચ કરવામાં આવી છે જ્યાં નેટવર્ક કવરેજમાં મુશ્કેલી પડતી હોય. તમને જણાવી દઇએ કે વીડિયો કૉલિંગ માત્ર Wings-to-Wings પણ સપોર્ટ કરે છે. 

BSNL WINGS માટે આપવી પડશે આટલી રાશિ:

આ સર્વિસનો ઉપયોગ કરવા માટે યૂઝર્સને WINGS મોબાઇલ એપ ડાઉનલોડ કરવાની રહેશે. આ સાથે જ 1099 રૂપિયા (1 વર્ષ માટે) નો વન ટાઇમ ચાર્જ આપવાનો રહેશે જેમાં એક વર્ષ માટે ફ્રી ઓડિયો-વીડિયો કૉલ સર્વિસ આપવામાં આવશે. આમ જોવામાં આવે તો કંપની 90 રૂપિયામાં (1099/12=91) પ્રતિ મહિના આ સર્વિસ આપી રહી છે. આ સર્વિસની મદદથી કૉલ કરવાથી પહેલા WINGS યૂઝર્સને SIP (સેશન ઇનિટિએશન પ્રોટોકૉલ) ડાઉનલોડ કરવાનું રહેશે જેનાથી યૂઝરને 10 ડિજિટનો સબ્સક્રિપ્શન આઇડી મળશે. આ આઇડી મળતા જ યૂઝર્સને મેલ આઇડી પર 16 ડિજિટનો PIN આપવામાં આવશે. આ PINની મદદથી BSNL WINGS એપને એક્ટિવેટ કરવામાં આવશે. 

ઇન્ટરનેટ કૉલિંગ પણ છે ઉપલબ્ધ:

આ સર્વિસ હેઠળ ઇન્ટરનેશનલ કૉલિંગની સુવિધા આપવામાં આવી રહી છે જેનાથી યૂઝર્સને 2000 રૂપિયામાં ISD ડિપોઝિટ કરાવવાનું રહેશે. આ પછી જ યૂઝર્સ કૉલ કરી શકશે. યૂઝર્સ તેઓ પોતાના હાલના પ્લાન ( લેંડલાઇનથી ઇન્ટરનેશનલ કૉલ)ના અનુસાર કૉલ ચાર્જ આપવાના રહેશે.