Video / લગ્નમાં દેખાડો ભારે પડ્યો! દુલ્હને કાર પર આ રીતે બનાવી REELS, પોલીસે ફટકાર્યો 16,500 રૂપિયાનો દંડ

• સોશિયલ મીડિયા યૂઝર્સ કોઈ પણ યુક્તિ અજમાવે છે
• સોશિયલ મીડિયા પર અનેક વિડીયોઝ વાયરલ થતા રહે
• રીલ બનાવવા માટે કારના બોનટ પર બેસી ગઈ દુલ્હન

આજના સમયમાં ફેમસ થવા માટે સોશિયલ મીડિયા યૂઝર્સ કોઈ પણ યુક્તિ અજમાવે છે. સોશિયલ મીડિયા પર અનેક વિડીયોઝ વાયરલ થતા રહે છે. આવો જ એક વિડીયો સોશિયલ મીડિયા પર વાયરલ થઈ રહ્યો છે. એક દુલ્હને રીલ બનાવવા માટે કારના બોનટ પર બેસી ગઈ હતી. વિડીયો અપલોડ કર્યા પછી આ વિડીયો થોડા સમય જ વાયરલ થઈ ગયો હતો. ઈમરજન્સી નિયમોનું ઉલ્લંઘન કરવા બદલ આ દુલ્હન પર 16,500 રૂપિયાનો દંડ ફટકારવામાં આવ્યો છે. આ વિડીયો રવિવારના રોજ પ્રયાગરાજમાંથી સામે આવ્યો હતો. એક યુવતી દુલ્હનના પરિવેશમાં ચાલતી કારના બોનટ પર બેસીને રીલ બનાવી રહી હતી. વિડીયો સિવિલ લાઈન્સ વિસ્તારમાં શૂટ કરવામાં આવ્યો. આ વિડીયો વાયરલ થતા પોલીસ ચોકી પ્રભારી અમિત સિંહના ધ્યાનમાં આવ્યો હતો. 

प्रयागराज में कार के बोनट पर बैठकर दुल्हन ने रील बनाया। जिसके बाद प्रयागराज पुलिस ने दुल्हन को 16,500 का चलान थमा दिया।#UPPolice pic.twitter.com/3AFFt8hpbd

— Shailendra Tiwari (@Shailendra_Jour) May 22, 2023

આ સમગ્ર મામલાની તપાસ કરતા જાણવા મળ્યું કે, અલ્લાપુર વિસ્તારની વર્ણિકા નામની યુવતીએ થોડા દિવસ પહેલા દુલ્હનના પરિવેશમાં બોનટ પર બેસીને વિડીયો બનાવ્યો હતો અને ફોટોશૂટ કરાવ્યું હતું. વર્ણિકાએ થોડા મહિના પહેલા હેલ્મેટ પહેર્યા વગર દુલ્હનના પરિવેશમાં સ્કૂટર ચલાવ્યું હતું. ચાલતી SUVના બોનટ પર બેસવાને કારણે 15 હજાર રૂપિયા અને હેલ્મેટ પહેર્યા વગર સ્કૂટર ચલાવવા બાબતે 1,500 રૂપિયાનું ચલણ કાપવામાં આવ્યું છે. સબ ઈન્સ્પેક્ટર અમિત સિંહ જણાવે છે કે, 16 મેના રોજ ઓલ સેંટ્સ ક્રૈથેડલ પાસે આ વિડીયો શૂટ કરવામાં આવ્યો હતો. લગભગ બે મબિના પહેલા ચંદ્રશેખર આઝાદ પાર્ક પાસે આ વિડીયો બનાવવામાં આવ્યો હતો.