ચૂંટણી / ભાજપ-કોંગ્રેસ આમને સામને, રાજીવ સાતવના આક્ષેપ પર CM રૂપાણીનો વળતો જવાબ

vtvAdmin

Last Updated: 05:37 PM, 9 April 2019

FOLLOW ON

શેર કરો

લોકસભાની ચૂંટણીને હવે આંગળીના વેઢે ગણાય એટલા દિવસો બાકી રહ્યા છે. ત્યારે દેશના બંને દિગ્ગજ પક્ષો એડીચોટીનું જોર લગાવી રહ્યા છે, એક-બીજા પર પ્રહારો કરી રહ્યા છે. કોંગ્રેસ ગુજરાત પ્રભારી રાજીવ સાતવ ગુજરાત પ્રવાસે છે. તેમણે ભાજપા પર પ્રહાર કર્યા તો CM વિજય રૂપાણીએ વળતો જવાબ પણ આપી દીધો.

ભાજપનો સંકલ્પ પત્ર જાહેર થયા બાદ ભાજપ અને કોંગ્રેસ આમને સામને આવી ગયા છે. એકબીજા પર વાર પ્રહાર કરી રહ્યાં છે. ત્યારે ગુજરાત કોંગ્રેસના પ્રભારી રાજીવ સાતવે ભાજપને આડેહાથ લેતા કહ્યું કે, ભાજપ રામ મંદિરના નામે ગંદી રાજનીતિ કરવા માગે છે.

તો બીજી તરફ કોંગ્રેસના આક્ષેપ પર મુખ્યમંત્રી રૂપાણીએ વળતો પ્રહાર કર્યો, CM રૂપાણીએ કહ્યું કે, કોંગ્રેસ માત્ર એક જ પરિવારની વાત કરે જ્યારે ભાજપ જનતાના દિલની વાત કરે છે.

તમને જણાવી દઇએ કે, કોંગ્રેસ ગુજરાત પ્રભારી રાજીવ સાતવ ગુજરાત પ્રવાસે છે. જે કોંગ્રેસનો પ્રચાર કરશે. વહેલી સવારે રાજીવ સાતવ અમદાવાદ એરપોર્ટ પહોંચ્યા હતા. રાજીવ સાતવ એ જણાવ્યું હતું કે, 15મીથી રાહુલ ગાંધી સૌરાષ્ટ પ્રવાસે આવશે અને પ્રચાર કરશે.

તો ભાજપના સંકલ્પ પત્રમાં ખેડૂતો અને યુવાઓ માટે કોઈ જ મુદ્દા લેવામાં આવ્યા નથી. ભાજપના આંતરિક વિખવાદનો કોંગ્રેસને લાભ મળશે અને રામ મંદિર ભાજપનો મુખ્ય એજન્ડા હોવાનું જણાવ્યું હતું. ત્યારે લાલજી મેરની અપક્ષ ઉમેદવારીને બેથી ત્રણ દિવસમાં વિચારણા કરીશું તેમ જણાવ્યું હતું.

સંકળાયેલા મુદ્દાઓ

BJP Lok Sabha Election 2019 Rajiv satav cm rupani congress Lok Sabha Elections 2019