હેલ્ધી ફૂડ / બીટ ખાવાના ચાર મુખ્ય ફાયદા: ડૉક્ટર્સ અને વડીલો કેમ આ ખાવાની આપે છે સલાહ, જાણીને કહેશો વાત તો સાચી!

• શરીરને અનેક પ્રકારના લાભ પ્રદાન કરતું શાકભાજી એટલે બીટ.
• બીટમાં કેલ્શિયમ, આયર્ન સહિત અનેક પોષકતત્ત્વો રહેલા છે.
• બીટનું સેવન કરવાથી વજનમાં વધારો થતો નથી. 

 બીટ એક એવું શાકભાજી છે જમીનમાં ઊગે છે, જેથી તેને કંદમૂળ કહેવામાં આવે છે. આ કારણોસર બીટમાં અનેક પ્રકારના પોષકતત્ત્વો રહેલા હોય છે. આ કારણોસર બીટ આપણા આરોગ્ય માટે ખૂબ જ લાભદાયી છે. અનેક પ્રકારે બીટનું સેવન કરી શકાય છે. શાક, સલાડ અને જ્યૂસ બનાવીને બીટને ડાયટમાં શામેલ કરી શકાય છે. અનેક લોકોને બીટનો સ્વાદ પસંદ આવતો નથી. ભારતના પ્રખાત ન્યૂટ્રિશન નિષ્ણાંત નિખિલ વત્સે બીટના ફાયદા વિશે વિગતવાર જાણકારી આપી છે. 

બીટમાં રહેલા પોષકતત્ત્વ 

બીટમાં કેલ્શિયમ, આયર્ન અને એન્ટીઓક્સિડેન્ટ સહિત અનેક પોષકતત્ત્વો રહેલા હોય છે. જો તમે 10 ગ્રામ બીટ ખાશો તો 43 મિલીગ્રામ કેલરી અને 2 ગ્રામ ફેટ હશે, જેનાથી વજન વધતું નથી. બીટમાં ભરપૂર માત્રામાં પ્રોટીન હોય છે, જે શરીરના વિકાસ માટે ખૂબ જ મહત્ત્વપૂર્ણ પોષકતત્ત્વ છે. 

બીટનું સેવન કરવાના ફાયદા

• બીટ ખાવાથી રોગપ્રતિકારક શક્તિ વધે છે, જેનાથી અનેક પ્રકારની બિમારીઓ અને સંક્રમણ સામે રક્ષણ મેળવી શકાય છે. બીટના જ્યૂસ અને સલાડને ખૂબ જ ફાયદાકારક માનવામાં આવે છે. 
• જે લોકોને કબજિયાત અને પેટની પરેશાની છે, તેમણે બીટનું સેવન જરૂરથી કરવું જોઈએ. બીટમાં રહેલ ફાઈબરને કારણે પાચનતંત્ર ખૂબ જ તંદુરસ્ત રહે છે. 
• બીટને પ્રાકૃતિક સુગરનો સોર્સ માનવામાં આવે છે, જે શરીરને ઊર્જા પ્રદાન કરે છે. 
• જો તમને હાઈ બ્લડપ્રેશરની સમસ્યા છે, તો તમારે બીટના સલાડ અને જ્યૂસનું જરૂરથી સેવન કરવું જોઈએ. બીટનું સેવન કરવાથી બીપી નિયંત્રિત રહેશે. 
• જે લોકોને વારંવાર થાક લાગે છે અને નબળાઈ રહે છે, તે લોકો માટે બીટ રામબાણ ઈલાજ તરીકે કામ કરે છે. 
• બીટનું સેવન કરવાથી લોહી શુદ્ધ થાય છે, જેનાથી શરીરમાં ઓક્સિજનના સ્તરમાં વૃદ્ધિ થાય છે. 
• સુંદરતા માટે બીટ ખૂબ જ જરૂરી છે, જેનાથી વાળ ખરતા અટકે છે અને ચહેરા પર ગ્લો આવે છે. 

Disclaimer: અહીં આપેલી માહિતી માત્ર અનુમાન અને માહિતી પર આધારિત છે. આથી અત્રે અહીં ઉલ્લેખ કરવો જરૂરી છે કે, VTV ગુજરાતી આવી કોઈ પણ પ્રકારની માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા તેના વિશે વધુ માહિતી મેળવવી તેમજ સંબંધિત નિષ્ણાંતની સલાહ લેવી.