HCનો ઑર્ડર / ગુજરાત હાઈકોર્ટમાં એન્ટ્રી કરતા પહેલા જાણી લો આ તદ્દન નવા નિયમો, આ એપ ફરજીયાત

• કોરોનાના કેસ વધતા હાઈકોર્ટે લાદયા નિયંત્રણ 
• ગુજરાત હાઈકોર્ટેની અરજદારો માટે માર્ગદર્શિકા 
• વકીલો સમાજીકાન્તારનું પાલન કરે ; કેન્ટીન બંધ 

રાજ્યમાં કોરોનાના કેસ વધતા હાઈકોર્ટમાં પ્રતિબંધ ફરમાવાયો છે જેમાં  જાહેર જનતા માટે હાઇકોર્ટમાં પ્રવેશ પર રોક લગાવાઈ છે. હાઈકોર્ટમાં પ્રવેશ માટે નવા સ્ટાન્ડર્ડ ઓપરેટિંગ પ્રોસિજર  લાગુ કર્યા છે. કોર્ટમાં આવતા તમામ માટે આરોગ્ય સેતુ એપ્લિકેશન ફરજીયાત રહેશે તો અરજદાર કે પક્ષકારનો કોરોના નેગેટિવ હોવાનું સર્ટિફિકેટ જરૂરી બનશે. હાઇકોર્ટની કેન્ટીન બંધ રાખવા પણ નિર્દેશ કરાયા છે. આ ઉપરાંત સામાજિક અંતરનું પાલન ફરજિયાત કરવામાં આવ્યું છે. વકીલોને ખોટી ભીડ ન કરવા માટે વકીલ એસો.ને નિર્દેશ કરવામાં આવ્યો છે. 

કોરોનાના થથરાવતા આંકડા 

ગુજરાતમાં કોરોનાનો ચોંકાવનારો આંકડો સામે આવ્યો છે. છેલ્લા 24 કલાકમાં 1259 કેસ સામે આવતા તંત્ર અને લોકોએ હવે સાવચેત થઈ જવાની જરૂર છે. આજ સૌથી વધુ અમદાવાદમાં 644 કેસ સામે આવ્યા છે જ્યારે સુરતમાં 225 કેસ તો વડોદરામાં 75 અને રાજકોટમાં 61 કેસ સામે આવ્યા છે. એક્ટિવ કેસની સંખ્યા 5858 સુધી પહોંચી ગઈ છે.રાજ્યભરમાં કોરોનાને કારણે 3 મૃત્યુ થયા જ્યારે કુલ 16 દર્દીઓ વેન્ટિલેટર પર સારવાર હેઠળ છે. કોરોનાને માત આપીને કુલ 151 દર્દી ઘેર પરત ફરતા હવે એક્ટિવ કેસની સંખ્યાં  5858 પહોચી ગઈ છે. આજે કુલ 7.46 લાખથી વધુ લોકોનું રસીકરણ થયું છે. જ્યારે અત્યાર સુધી કુલ 9.04 કરોડ રસીના ડોઝ આપી દેવાયા છે. કોરોનાથી સાજા થવાનો દર 98.09 ટકા જોવા મળ્યો છે

કોરોનાના જિલ્લા પ્રમાણે કેસ
જો જિલ્લા પ્રમાણે કોરોના કેસ પર નજર કરીએ તો અમદાવાદમાં 644 કેસ સાથે કોરોના હોટસ્પોટ બની ગયું છે. સુરતમાં 225 કેસ, વડોદરામાં 75 કેસ,રાજકોટમાં 61 કેસ, ગાંધીનગરમાં 28 કેસ, જામનગરમાં 17 કેસ, ભાવનગરમાં 18 કેસ,વલસાડમાં 40 કેસ, આણંદમાં 29 કેસ,ખેડામાં 24 કેસ, ભરૂચમાં 16 કેસ, નવસારીમાં 16 કેસ નોંધાયા, મહેસાણા અને મોરબી જિલ્લામાં 12-12 કેસ, કચ્છમાં 11 કેસ, મહીસાગરમાં 6 કેસ, ગીર સોમનાથમાં 5 કેસ, સાબરકાંઠામાં 4 કેસ, અમરેલીમાં 3 કેસ, સુરેન્દ્રનગરમાં 3 કેસ, તાપીમાં 3 કેસ, દ્વારકામાં 2 કેસ, તાપીમાં 3 કેસ, દ્વારકામાં 2 કેસ, બનાસકાંઠા, દાહોદ, પોરબંદર, જુનાગઢ અને અરવલ્લીમાં એક કેસ કોરોના પોઝિટિવ સામે આવ્યો છે.