સાઉથ / સુપરસ્ટાર વિજયની દેશભક્તિ પરની ફિલ્મ Beast પર વધુ એક દેશમાં પ્રતિબંધ, જાણો એવું તો શું છે ફિલ્મમાં

• થલાપતિ વિજયની ફિલ્મ બીસ્ટ 13 એપ્રિલે થશે રીલીઝ
• ફિલ્મમાં વિજયની સાથે પૂજા હેગડે લીડ રોલ પ્લે કરી રહી છે
• ફિલ્મને કુવૈત બાદ કતારમાં પણ લગાવી દેવામાં આવ્યો પ્રતિબંધ

ટ્રેડ એક્સપર્ટે જણાવ્યું પ્રતિબંધ કરવાનું કારણ 

ફિલ્મની રીલીઝને લઇને એક તરફ જ્યાં પ્રશંસકોમાં ઉત્સાહ જોવા મળી રહ્યો છે. તો ફિલ્મને દુ:ખી કરનારા સમાચાર પણ સામે આવી રહ્યાં છે. હાલમાં અહેવાલ આવ્યા હતા કે કુવૈતમાં બીસ્ટની  રીલીઝ પર પ્રતિબંધ લગાવી દેવામાં આવ્યો છે. તો હવે અહેવાલ છે કે ફિલ્મ કતારમાં પણ રીલીઝ કરાશે નહીં. કારણકે અહીં ફિલ્મની રીલીઝ પર પ્રતિબંધ લગાવી દેવામાં આવ્યો છે. જેની જાણકારી ટ્રેડ એક્સપર્ટ રમેશ બાલાએ તેના ટ્વિટર પર આપી છે. તેમણે ટ્વિટ કરી લખ્યું, કુવૈત બાદ બીસ્ટને કતારમાં પણ પ્રતિબંધ લગાવી દેવામાં આવ્યો છે. મહત્વનું છે કે હાલમાં એક તામિલ ફિલ્મ એફઆઈઆરને પણ આ બંને દેશોમાં પ્રતિબંધ લગાવી દેવામાં આવ્યો હતો. તો ટ્રેડ એક્સપર્ટ મનોબાલા વિજયબલને ફણ ટ્વિટ કરી જણાવ્યું કે કતાર સરકારે વિજયની બીસ્ટ પર રોક લગાવી દીધી છે. 

Qatar govt BANS #Vijay's #Beast.

— Manobala Vijayabalan (@ManobalaV) April 10, 2022

After #Kwait , #Beast is banned in #Qatar too..

Recent Tamil movie #FIR was banned in both the countries too..

— Ramesh Bala (@rameshlaus) April 9, 2022

યુઝર્સ બીસ્ટના ટ્રેલરને ખૂબ કરી રહ્યાં છે પસંદ 

એક અખબારના રિપોર્ટ મુજબ જ્યારે તેમણે ટ્રેડ એક્સપર્ટ રમેશ બાલાને આ અંગે જાણકારી આપી તો તેમણે જણાવ્યું કતારની સરકાર ફિલ્મમાં બતાવવામાં આવેલા આતંકવાદી એન્ગલથી ખુશ નથી. બંને ફિલ્મોમાં લીડ વિલન અને તેનુ ગ્રુપ આતંકવાદી ટોળકીમાંથી જણાવવામાં આવ્યું છે અને આ ફિલ્મ અલ-કાયદા અને આઈએસઆઈએસ જેવા વિષયો સાથે જોડાયેલી છે. આ બધી વાતોને જોઈને સમજાય છે કે ફિલ્મ પર પ્રતિબંધ લગાવવામાં આવ્યો છે. તો બાલાનુ કહેવુ છે કે યુઝર્સ ફિલ્મના ટ્રેલરને ખૂબ પસંદ કરી રહ્યાં છે. યુઝર્સના હિસાબે બીસ્ટને ખૂબ મદદ મળશે. તેમણે એવી પણ ભવિષ્યવાણી કરી છે કે ફિલ્મ પહેલા દિવસે 50 કરોડનો આંકડો પાર કરી શકે છે. તેમણે વધુમાં કહ્યું કે પહેલા દિવસના કલેકશનની વાત કરીએ તો ફિલ્મ ડોમેસ્ટિક અને વિદેશી માર્કેટમાં બધી ભાષાઓમાં લગભગ 60.65 કરોડ રૂપિયાનુ કલેક્શન કરી શકે છે. 

યશ-શાહિદ કપૂર સાથે થશે વિજયની ટક્કર

મહત્વનું છે કે વિજયની ફિલ્મ 13 એપ્રિલે રીલીઝ થઇ રહી છે. સાઉથ સ્ટાર યશની મોસ્ટ અવેટેડ ફિલ્મ KGF 2 અને શાહિદ કપૂરની જરસી 14 એપ્રિલે રીલીઝ થઇ રહી છે. ટ્રેડ એનાલિસ્ટનું માનવુ છે કે આ ત્રણેય ફિલ્મોની વચ્ચે બૉક્સ ઑફિસ પર જોરદાર ટક્કર જોવા મળશે. ઉલ્લેખનીય છે કે KGF 2નુ પણ ચાહકો લાંબા સમયથી રાહ જોઈ રહ્યાં છે.