અયોધ્યા / રામનવમીએ 10 લાખ શ્રદ્ધાળુઓ રામલલાનાં દર્શને જવાની શક્યતા

Mehul

Last Updated: 07:11 PM, 18 March 2020

FOLLOW ON

શેર કરો

જન્મભૂમિ પર બિરાજમાન શ્રીરામલલા ચૈત્રી નવરાત્રિના પહેલા દિવસે એટલે કે 25 માર્ચે બ્રહ્મ મુહૂર્તમાં 28 વર્ષ જૂના ટેન્ટમાંથી નીકળીને સંગેમરમરના ચબૂતરા પર બનેલા અસ્થાયી મંદિરમાં બિરાજશે. આ અવસરે શ્રીરામલલાનું વિશેષ અભિષેક અને પૂજન થશે. રામનવમી પર દેશભરમાંથી લગભગ 10 લાખ શ્રદ્ધાળુઓ અહીં આવવાની શક્યતા છે.

શ્રીરામલલા 25 માર્ચે બ્રહ્મ મુહૂર્તમાં 28 વર્ષ જૂના ટેન્ટમાંથી નીકળીને અસ્થાયી મંદિરમાં બિરાજશે
રામલલાનાં દર્શનનો સમય 31 માર્ચથી 2 એપ્રિલ સુધી ત્રણ દિવસ માટે 2 કલાક વધારવામાં આવ્યો

આ જોતાં પ્રશાસને રામલલાનાં દર્શનનો સમય 31 માર્ચથી 2 એપ્રિલ સુધી ત્રણ દિવસ માટે બે કલાક વધારી દીધો છે. કોરોના વાઇરસના ખતરાને જોતાં રામનવમી પર અયોધ્યામાં ભક્તોની સંખ્યા કેવી રીતે ઘટાડવામાં આવે તેને લઇને તંત્ર અને સરકાર ચિંતિત છે. મુખ્યપ્રધાન યોગી આદિત્યનાથે પણ ગઇ કાલે સંકેત આપ્યા કે રામનવમીએ લાઇવ પ્રસારણ પણ કરાશે. લોકો પોતાના ઘરમાંથી જ રામલલાના દર્શન કરી શકશે.

રામનવમી પર 28 વર્ષથી ચાલી આવી છે પરંપરા

સુપ્રીમ કોર્ટના આદેશના ચાર મહિના બાદ અયોધ્યામાં આયોજિત આ સમારંભમાં અસ્થાયી મંદિરની પાસે મુખ્યપ્રધાન પારિજાત રુદ્રાક્ષ અને તુલસીના છોડ રોપશે. રામનવમી પર 28 વર્ષથી આ પરંપરા ચાલી આવી છે. પ્રશાસને 31 માર્ચથી 2 એપ્રિલ સુધી રામલલાનાં દર્શન કરવાના સમયને બે કલાક વધારી દીધો છે. અન્ય દિવસોમાં શ્રદ્ધાળુઓ સવારે 7થી 11 અને બપોરે 1થી 5 વાગ્યા સુધી જ દર્શન કરી શકશે. અયોધ્યાના પોલીસ અધિકારીએ જણાવ્યું કે આરોગ્ય અને સુરક્ષાના કારણોથી સમયગાળો વધારવો શક્ય નથી.

15 ફૂટ દૂરથી દર્શન થશે

ચૈત્ર નવરાત્રિના પહેલા દિવસે એટલે કે 25 માર્ચે સવારે 3 વાગ્યે રામલલાનાં સિંહાસનને ભરત, લક્ષ્મણ, શત્રુઘ્ન અને હનુમાનજી સાથે નવા અસ્થાયી મંદિરમાં પહોંચાડાશે. શ્રદ્ધાળુઓ અહીં શ્રીરામલલાનાં દર્શન બાવન ફૂટના બદલે 15 ફૂટ દૂરથી કરી શકશે. મંદિરને આકર્ષક બનાવવા વાટિકાની આસપાસ સેંકડો વૃક્ષ રોપાયાં છે. આરતી બાદ મુખ્યપ્રધાન મંદિરના નિર્માણ માટે આર્થિક યોગદાનની પણ જાહેરાત કરશે.

સંકળાયેલા મુદ્દાઓ

Ayodhya National News RamNavami અયોધ્યા Ayodhya temple