નિવેદન / 'મોદી 'ના' હોત તો વિપક્ષના 90% ભાષણ ખત્મ થઇ જતા': અરૂણ જેટલી

લોકસભા ચૂંટણી 2019ની જંગ વચ્ચે ભારતીય જનતા પાર્ટી અને કોંગ્રેસ સામસામે છે. વિરોધી પાર્ટી સતત પ્રધાનમંત્રી નરેન્દ્ર મોદીને લઇને નિશાનો સાધી રહી છે, તો બીજી તરફ ભાજપ પણ કોંગ્રેસ પર નિશાનો સાધવા માટે કોઇ કસર બાકી નથી રાખી રહી. વિત્ત મંત્રી  અરૂણ જેટલીએ નિવદેન  આપ્યુ કે, ''જો નરેન્દ્ર મોદીને હટાવવામાં આવ્યો તો વિપક્ષી પાર્ટીમાં 90% ભાષણ ખત્મ થઇ જશે.'' આ સિવાય અરૂણ જેટલીએ કોંગ્રેસની ન્યાય યોજનાને જનતાને ગુમરાહ કરતી બતાવી.

એક ઇન્ટરવ્યૂમાં વિત્ત મંત્રી અરૂણ જેટલીએ કહ્યુ કે, ''ચૂંટણી પહેલા ફોકસ નેતા પર જ હોય છે. પછી તે 1998-99ની ચૂંટણી હોય કે પછી ઇન્દિરા ગાંધી, રાજીવ ગાંધીના સમયની ચૂંટણી. તેમણે કહ્યુ કે, આ ચૂંટણીમાં મોદીની નામે લડવામાં આવી રહી છે અને મોદી પર જ જનમત સંગ્રહની જેમ છે.''
 

તેમણે કહ્યુ કે, ''દેશમાં એક એવો પરિવાર છે જેણે લાગે છે કે માત્ર તેઓ જ દેશ પર રાજ કરી શકે છે અને તે કોઇ બીજાને સત્તા પર નથી જોઇ શકતા.'' અરૂણ જેટલીએ કહ્યુ કે, ''સંસદની પ્રક્રિયા દરમિયાન યૂપીએ ચેયરપર્સન સોનિયા ગાંધી પેપર ફાડી રહ્યા હતા, જ્યારે હું રાફેલના મુદ્દા પર વાત કરી રહ્યો હતો. આ સિવાય રાહુલ ગાંધી પાર્લામેન્ટના ચેમ્બરમાં સાંસદોની સાથે સેલ્ફી ક્લિક કરી રહ્યા હતા.''

વિપક્ષ પર નિશાનો સાધતા કહ્યુ કે, ''આપણે એક મુદ્દાની સાથે ચૂંટણીમાં આગળ વધી રહ્યા છીએ, જેમાં અર્થવ્યવસ્થા, વિકાસ અને રાષ્ટ્રીય સુરક્ષા મહત્વની છે. જો વિપક્ષને જોવામાં આવે તો તે માત્ર ખિચડી છે, જે બે મહિના સુધી પણ નહી રહે, ત્યાં કોઇ વિચારધારા નથી.''

 

અરૂણ જેટલીએ કહ્યુ કે, ''કોઇ પણ ચૂંટણી એક જ મુદ્દા માટે ના લડી શકાય, આજે રાષ્ટ્રીય સુરક્ષા પણ મહત્વનો મુદ્દો છે. ફારૂક અબ્દુલ્લા, ઉમર અબ્દુલ્લા અને મહબૂબા મુફ્તી જેવા નેતાઓ જે નિવદેન આપી રહ્યા છે, તે પણ ચૂંટણીના મુદ્દા છે.'' તેમણે કહ્યુ કે, ''ભાજપ પણ આ મુદ્દા પર ચૂપ નહી રહે, તેણે મુદ્દો ચોક્કસથી બનાવશે.''