પૂછપરછ / પાકિસ્તાનનો દાવો, પંજાબ પ્રાંતમાંથી ભારતીય જાસૂસની કરી ધરપકડ

vtvAdmin

Last Updated: 11:53 AM, 1 August 2019

FOLLOW ON

શેર કરો

પાકિસ્તાને એકવાર ફરી ભારત પર ખોટો આરોપ લગાવતાં બુધવારે દાવો કર્યો છે કે તેણે એક ભારતીય જાસૂસની ધરપકડ કરી છે. સૂત્રોને મળતી જાણકારી મુજબ પાકિસ્તાને આ જાસૂસની ધરપકડ પંજાબ પ્રાંતના ડેરા ગાઝી ખાન જિલ્લામાંથી કરી છે. આ વિસ્તાર લાહોરથી 400 કિમી દૂર આવેલ છે.

સૂત્રોના જણાવ્યા અનુસાર આ શખ્સની ઓળખ રાજૂ લક્ષ્મણ તરીકે કરવામાં આવી છે. સૂત્રોને મળતી જાણકારી મુજબ પકડાયેલા જાસૂસે પાકિસ્તાન પોલીસની પૂછપરછમાં આ વાતનો સ્વીકાર કર્યો છે કે તે ભારતનો રહેવાસી છે અને પાકિસ્તાનના પંજાબ પ્રાંતમાં જાસૂસી કરી રહ્યો હતો.

પોલીસના જણાવ્યા અનુસાર ધરપકડ સમયે રાજૂ બલૂચિસ્તાનમાંતી ડેરા ગાઝી ખાન જિલ્લામાં પ્રવેશ કરી રહ્યો હતો. એક મળતાં અહેવાલ મુજબ રાજૂને કોઇ અજ્ઞાત સ્થળ પર લઇ જવામાં આવ્યો છે. જ્યાં પાકિસ્તાન એજન્સીઓ દ્વારા તેની પૂછપરછ કરવામાં આવી રહી છે.

ઉલ્લેખનીય છે કે પાકિસ્તાને કૂલભૂષણ જાધવને કથિત રીતે જાસૂસ હોવાનો દાવો કરીને જેલમાં બંધ કરી દીધો છે. આ બેબુનિયાદ આરોપને લઇને પાકિસ્તાને જાધવને મોતની સજાનું એલાન કર્યું હતું. જેને લઇને આંતરરાષ્ટ્રીય કોર્ટ (ICJ)એ તેના પર ફરી વિચાર કરવા જણાવ્યું છે. કોર્ટે જાધવને ડિપ્લોમેટીક મદદ ન દેવાના પાકિસ્તાનના નિર્ણયને ખોટો સાબિત કર્યો હતો અને તેને વિયના સંધિનું ઉલ્લંઘનનું દોષી માન્યું હતું.

પાકિસ્તાનનો દાવો છે કે તેણે કૂલભુષણ જાધવને માર્ચ 2016માં બલૂચિસ્તાન પ્રાંતમાંથી એ સમયે ધરપકડ કરી હતી જ્યારે તે ઇરાનથી પાકિસ્તાન ઘૂસ્યો હતો. જો કે ભારતે આ બધા દાવાને ફગાવી દીધા છે. ભારતે ગત વર્ષ મે મહિનામાં આ મામલાને આંતરરાષ્ટ્રીય કોર્ટમાં ઉઠાવ્યો હતો. જ્યાં કૂલભૂષણ જાધવની ફાંસીનો વિરોધ કરવામાં આવ્યો હતો.

સંકળાયેલા મુદ્દાઓ

Spy indian pakistan જાસૂસ પાકિસ્તાન ભારત pakistan