રાજકારણ / દક્ષિણ ભારતમાં ભાજપે ખેલ પાડ્યો... દિગ્ગજ નેતા અને પૂર્વ CMએ ધારણ કર્યો ભગવો, કહ્યું કોંગ્રેસમાં એક રાજા...

• આંધ્ર પ્રદેશના પૂર્વ CMએ જોઈન કર્યું BJP 
• કિરણ કુમારે કહ્યું કોંગ્રેસ નથી પહોંચી રહી લોકો સુધી 
• થોડા દિવસ પહેલા જ આપ્યું હતું રાજીનામું 

આંધ્ર પ્રદેશના પૂર્વ CM કિરણ કુમાર રેડ્ડીએ આજે BJP જોઈન કરી લીધુ છે. આજના આ ઘટનાક્રમથી અમુક દિવસ પહેલા જ કોંગ્રેસના નેતા રહી ચુકેલા રેડ્ડીએ પાર્ટી અધ્યક્ષ મલ્લિકાઅર્જુન ખરગેને પત્ર લઈને પોતાનું રાજીનામું મોકલી દીધું હતું. 

પાર્ટી જોઈન કર્યાના થોડા દિવસ બાદ જ બીજેપી હેડક્વાર્ટરમાં પ્રેસને સંબંધોતિ કરતી વખતે કિરણે જણાવ્યું, કોંગ્રેસ લોકો સુધી નથી  પહોંચી રહી અને હાઈકમાન્ડના ખોટા નિર્ણયોના કારણે પાર્ટી અલગ અલગ રાજ્યોમાં તૂટી રહી છે. આ એક રાજ્યની વાત નથી લગભગ દરેક રાજ્યોમાં જ આવી સ્થિતિ છે. 

#WATCH | "I had never imagined that I'll have to leave Congress...There is a saying- 'My king is very intelligent, he doesn't think on his own, doesn't listens to anyone's advice', "says former Congress leader Kiran Kumar Reddy on joining BJP in Delhi. pic.twitter.com/8s43F09WxK

— ANI (@ANI) April 7, 2023

BJP જોઈન કરવાના સવાલ પર શું બોલ્યા કિરણ? 
પ્રેસને સંબોધિત કરતા કિરણે કહ્યું, હું કોંગ્રેસ માટે કહેવા માંગું છું કે કોંગ્રેસ પાર્ટી લોકોના મતને નથી સમજી શકતી. કોંગ્રેસ પાર્ટી વિશ્લેષણ નથી કરી રહી અને પોતાની ભૂલોને સુધારી પણ નથી રહી. 

પાર્ટી વિચારે છે કે તે જ સાચી છે અને દેશની જનતા સહિત બાકી બધા ખોટા છે. આ વિચારધારાના કારણે મેં પાર્ટી છોડવાનો નિર્ણય કર્યો છે. તેમના માટે એક જુની કહેવત છે કે મારા રાજા ખૂબ જ બુદ્ધિશાળી છે તે પોતે વિચારતો નથી અને કોઈની સલાહ પણ નથી માનતો. તમને બધાને ખબર પડી ગઈ હશે કે હું શું કહેવા માંગુ છું. 

#WATCH | Kiran Kumar Reddy, who served as the CM of united Andhra Pradesh, joins Bharatiya Janata Party in Delhi pic.twitter.com/WrlGjG5Uwr

— ANI (@ANI) April 7, 2023

આ પહેલા પણ આપી ચુક્યા છે રાજીનામુ 
જોકે આ પહેલી વખત ન હતું કે જ્યારે કિરણ કુમારે કોંગ્રેસમાંથી રાજીનામુ આપ્યું છે. તેના પહેલા પણ તેમણે 2014માં તત્કાલીન યુપીએ સરકારના આંધ્ર પ્રદેશને વિભાજીત કરવા અને તેલંગાણાને અલગ કરવાના નિર્ણયના વિરોધમાં કોંગ્રેસ પાર્ટીમાંથી રાજીનામુ આપી દીધુ હતું.

તેમણે રાજીનામાના તરત બાદ તેમની પોતાની પાર્ટી "જય સમૈક્ય આંધ્ર" બનાવી હતી. પરંતુ 2014ની ચૂંટણીમાં પાર્ટી સારૂ પ્રદર્શન ન કરી શકી અને બાકીના વર્ષોમાં રેડ્ડીએ ફરીથી કોંગ્રેસ જોઈન કરી લીધું. જોકે આજે તેમણે ઓફિશ્યલ રીતે બીજેપી જોઈન કરી લીધુ છે. આવનાર દિવસોમાં એ જોવું રસપ્રદ રહેશે કે બીજેપી તેમને કઈ ભુમિકા આપે છે.