ગાંધીનગર / ગુજરાત આવેલા અમિત શાહે કેટલા કરોડના વિકાસ કાર્યોની ધરી ભેંટ

• કેન્દ્રીય ગૃહમંત્રી અમિત શાહ ગુજરાતમાં 
• લોકસભા મતક્ષેત્રમાં વિકાસ કાર્યોનો લોકાર્પણ 
• અંદાજે 10.59 કરોડના વિકાસ કાર્યો લોકાર્પિત 

ગુજરાતની બે દિવસીય મુલાકાતે આવેલા કેન્દ્રિય ગૃહ મંત્રી અમિત શાહએ ગાંધીનગરના પોતાના લોકસભા મત ક્ષેત્રમાં 143 જેટલા પ્રજાલક્ષી કાર્યોનો લોકાર્પણ કર્યો હતો. અંદાજે રૂપિયા 10.59 કરોડના વિકાસ કાર્યોને લોકાર્પિત કરી કેન્દ્ર અને રાજ્યની સરકારી યોજનાઓનો લાભ નાગરિકોને પહોચાડ્યો હતો. 

વિવિધ વિકાસ કાર્યોનો લોકાર્પણ 

કેન્દ્રીય ગૃહ મંત્રી અમિત શાહે ગાંધીનગરના રેલવે સ્ટેશન બાદ પાનસર ગામની મુલાકાત લીધી હતી. જ્યાં પ્રાથમિક આરોગ્ય કેન્દ્ર નો લોકાર્પણ કરી,પાનસર તળાવનાં બ્યુટીફીકેશન માટે  મુલાકાત લીધી હતી.ત્યાં,અમિત શાહે નાની જનસભાને પણ સબોધી હતી. કેન્દ્રિય ગૃહમંત્રીની સ્પીચ શરુ થતા પહેલા જ સભામાં સાપનું બચ્ચું જોવા મળતા કુતુહલ અને અફરા-તફરી સર્જાઈ હતી. કેન્દ્રિય ગૃહ્માંન્ત્રીએ પોતાનું સંબોધન સારું કરતા જ હળવી રમુજ કરી,કે જયઘોષ કેમ નથી બોલાવાતો, અવાજને શું થયું ? સાપ સુંઘી ગયો ? અને ઉપસ્થિત મેદનીનો જાણે અવાજ 'ખુલી' ગયો હતો. બાદમાં જૈન મંદિરના એક કાર્યક્રમમાં પણ ઉપસ્થિત રહ્યા હતા.

સ્વાવલંબી મહિલા યોજના 

કેન્દ્રિય ગૃહમંત્રી અમિત શાહ ગુજરાતની બે દિવસની મુલાકાતે આવ્યા છે. સમીસાંજે નોરતાની બીજના પાવન પ્રસંગે સંધ્યા આરતીમાં ભાગ લેવા જતા પૂર્વે ગાંધીનગરના અત્યાધુનિક રેલવે સ્ટેશન પર એક ટી સ્ટોલનો લોકાર્પણ કર્યો. આ ટી સ્ટોલની વિશેષતા એ છે કે, દેશમાં સૌ પ્રથમવાર રેલવે સ્ટેશન પર મહિલાઓ દ્વારા સંચાલિત ટી સ્ટોલ છે.રૂપાલના નાગેશ્વર સખી મંડળની બહેનોને રાજ્ય સરકારે આ સ્તુત્ય પગલાં માટે મહિલા સ્વાવલંબી યોજના હેઠળ રૂપિયા 1 લાખની સહાય પણ આપી છે.આ ટી સ્ટોલના માધ્યમથી 10 થી 14 મહિલાઓ અહીં રોજગારી મેળવશે 

માટીના વાસણો પણ મળશે 

ગાંધીનગર રેલવે સ્ટેશનનાં આ ટી સ્ટોલ સાથે એક વિશેષતાએ પણ રહેશે કે અહીં, માટીના વાસનો પણ વેચાણ માટે  મુકાશે. માટીના કુલ્લ્ડમાં ચા મળશે . અહીં ચા,કોફી,તંદુરી ચા,ગ્રીન ટી,દૂધ અને ઉકાળો સાથે માટીની વિવિધ કલાકૃતિ,માટીના વાસણો,માટીના શો-પિસનું પણ વેચાણ થશે. કોઈ પણ વસ્તુનું ઓનલાઈન પેમેન્ટ કરી શકાય તેવી વ્યવસ્થા પણ કરવામાં આવી છે.

મુખ્યમંત્રી,ગૃહમંત્રીએ માણી ચા ની લહેજત 

 ગાંધીનગર રેલવે સ્ટેશન પર ટી સ્ટોલના લોકાર્પણ પ્રસંગે રાજ્યના મુખ્યમંત્રી ભુપેન્દ્ર પટેલ,ગૃહ મંત્રી હર્ષ સંઘવી ,પૂર્વ ગૃહ મંત્રી રજની પટેલ સહિતના મહાનુભાવો ઉપસ્થિત રહ્યા હતા. આ પ્રસંગે કેન્દ્રિય ગૃહમંત્રી અમિત શાહે સખી મંડળની બહેનો સાથે ચા ણી લહેજત માણતા સંવાદ પણ સાધ્યો હતો.