સાવધાન / શું તમારૂં વાહન ચોરાઈ ગયું છે? તો કંઈપણ કરતાં પહેલા આ વાંચી લો

• લૂંટારુઓ ચોરીનાં બાઇક લઈ ઘટનાને અંજામ આપે છે 
• પ્રકાશ મોદીએ પ્રતિકાર કરતાં લૂંટારુએ તેમને માર પણ માર્યો
• લૂંટારુઓ પૈસા ઝૂંટવીને ભાગ્યા હતા અને બે રાઉન્ડ ફાયરિંગ પણ કર્યું

શહેરમાં રોજબરોજ સંખ્યાબંધ વાહનોની ચોરી થાય છે, જેમાં કેટલીક ફરિયાદો પોલીસ સ્ટેશનમાં નોંધાતી નથી, જ્યારે કેટલીક ફરિયાદો મોડી નોંધાય છે, જેનો સીધો ફાયદો ચોરી કરનાર ગેંગ ઉઠાવે છે. નિર્દોષ લોકો પોલીસના સકંજામાં આવી જાય અને લૂંટારુઓ લૂંટેલો માલ લઇ નાસી જાય તે રીતનો પ્લાન ઘડીને ઠક્કરબાપાનગર અને નિકોલની લૂંટની ઘટનાને અંજામ આપવામાં આવ્યો હતો. આ સિવાય ન્યૂ રાણીપમાં થયેલ ૪પ લાખ રૂપિયાની ચોરીના કેસમાં ચોરેલા બાઇકનો ઉપયોગ કર્યો હતો. 

પ્રકાશ મોદીએ પ્રતિકાર કરતાં લૂંટારુએ તેમને માર પણ માર્યો

રવિવારે મોડી રાતે નિકોલ વિસ્તારના ઉમિયાચોકમાં આવેલા વિરલ ગોલ્ડ પેલેસમાં લૂંટની ઘટના બની હતી. જ્વેલર્સ માલિક પ્રકાશ મોદી દુકાન બંધ કરી ઘરે જવાની તૈયારી કરી રહ્યા હતા તે દરમિયાન ચાર લુંટારુ દુકાનમાં ઘૂસી આવ્યા હતા અને લૂંટ ચલાવવાનું શરૂ કર્યું હતું, જોકે પ્રકાશ મોદીએ પ્રતિકાર કરતાં લૂંટારુએ તેમને માર પણ માર્યો હતો. લૂંટારુઓ અંદા‌િજત રૂપિયા ર.પ લાખ રોકડા તેમજ ચાર લાખની આસપાસના સોના-ચાંદીના દાગીનાની લૂંટ કરી ફરાર થઈ ગયા છે.

લૂંટારુઓ પૈસા ઝૂંટવીને ભાગ્યા હતા અને બે રાઉન્ડ ફાયરિંગ પણ કર્યું

જ્યારે શનિવારના રોજ ઠક્કરબાપાનગર બ્રિજ પાસે આવેલ પાન-મસાલાના હોલસેલ વેપારી ગાયત્રી ટ્રેડર્સમાં ત્રણ વાગ્યાની આસપાસ લૂંટારુઓ આવ્યા હતા અને હિન્દીમાં વેપારી પાસે રૂપિયાની માગણી કરી હતી, જોકે વેપારી જ્યારે કાઉન્ટરમાંથી રૂપિયા કાઢી ગણતરી કરી રહ્યા હતા તે દરમિયાન લૂંટારુઓ પૈસા ઝૂંટવીને ભાગ્યા હતા અને બે રાઉન્ડ ફાયરિંગ પણ કર્યું હતું. 

બાઇકને ‌બિનવારસી મૂકી જતા રહેતા હતા

શનિવાર અને રવિવારના રોજ થયેલ લૂંટ કેસમાં ક્રાઇમ બ્રાંચની ટીમે પાંચ આરોપીઓને ઝડપી પાડ્યા છે, જેમાં તેમણે કબૂલાત કરી છે કે બંને લૂંટમાં તેમણે ચોરીનાં બાઇકનો ઉપયોગ કર્યો છે. લૂંટ કરવાની હોય તે દિવસે તેઓ બાઇકની ચોરી કરતા હતા અને લૂંટ થઇ ગયા બાદ બાઇકને ‌બિનવારસી મૂકી જતા રહેતા હતા. 

લૂંટારુ ગેંગે તે જ દિવસે બાઇકની ચોરી કરી હતી

સીસીટીવી ફૂટેજ મુજબ લૂંટમાં જે બાઇકનો ઉપયોગ થયો હતો તે બાઇક મા‌િલકની પોલીસે અટકાયત કરી હતી અને તે લૂંટનો ભોગ બનેલા લોકોને બતાવ્યા હતા. લૂંટનો ભોગ બનેલા લોકોએ તેમને ઓળખવાનો ઇનકાર કરી દીધો હતો ત્યારબાદ પોલીસને જાણ થઇ હતી કે લૂંટારુ ગેંગે તે જ દિવસે બાઇકની ચોરી કરી હતી. 

દારૂની ખેપ મારવામાં પણ બુટલેગરો ચોરેલાં વાહનોનો ઉપયોગ કરે છે

જો બાઇકચાલકે તરત જ પોલીસ ફરિયાદ કરી હોત તો પોલીસે તેમની અટકાયત કરી ના હોત. આ સિવાય ન્યૂ રાણીપમાં થયેલી ૪પ લાખ રૂપિયાની ચોરીના ચકચારી કેસનો ભેદ હજુ સુધી ઉકેલાયો નથી, પરંતુ પોલીસ તપાસમાં સામે આવ્યું છે કે તેમાં પણ ચોરે ચોરીના બાઇકનો ઉપયોગ કર્યો છે. બાઇક ચોરી લીધા બાદ ગુનેગારો તેને વેંચી દેવાની જગ્યાએ ગુના કરવામાં તેનો ઉપયોગ કરે છે. દારૂની ખેપ મારવામાં પણ બુટલેગરો ચોરેલાં વાહનોનો ઉપયોગ કરે છે.