કૌભાંડ / સુરતમાં 100 કરોડ અનાજ કૌભાંડમાં મોટો ખુલાસો, ફરાર આરોપીના મોબાઈલમાં મળ્યું એવું કે જાણીને ચોંકી જશો

• સરકારી અનાજને બારોબાર   કર્યું ચાઉ
• કામરેજના બંટી નામના   યુવાનનું 100 કરોડનું કારસ્તાન 
• એક એન્ટ્રીના 40 રૂપિયાના ભાવે ડેટાનું થાય છે વેચાણ
• રાશન ન લેતા લોકોના ડેટા વેચીને અનાજને ઉપાડાય છે

ચેતજો..તમારી ઓળખનો કોણ ઉપયોગ કરી રહ્યું છે
સુરતની સૂરત તો બગડી જ ચૂકી છે. સરેઆમ હત્યાઓ, લૂંટફાટ બાદ હવે સરકારી અનાજ એટલે કે ગરીબોના કોળિયા પર કૌભાંડીઓની નજર પડી છે. સુરતનો કામરેજ વિસ્તાર આ સમગ્ર ભાંડા ફોડનું એપીસેન્ટર મનાઈ રહ્યું છે... હજારો લોકોની ઓળખાણને ચોરી,   સરકારી અનાજને બારોબાર ઉપાડી લઈ. લગભગ 100 કરોડના કૌભાંડને અમદાવાદ ક્રાઇમ બ્રાન્ચે ઝડપી પાડ્યું છે.

કઈ રીતે આચર્યું કૌભાંડ?
સુરતના કામરેજમાં રહેતા   બંટી નામના યુવકનું આ કારસ્તાન હોવાનું સામે આવ્યું છે. વન નેશન વન કાર્ડ યોજનામાં સામેલ ગરીબ લોકોને સસ્તું સરકારી અનાજ મળે છે. અને આ મોકાનો લાભ ઉઠાવી   આરોપી બંટી ટેકનોલોજી સાથે પોતાની લિંકનો ઉપયોગ કર્યો. અને એ માહિતીની ચોરી કરી કે કોણ આ સસ્તા અનાજનો લાભ લઈ રહ્યું નથી. બાદમાં પોતાના મોબાઈલ રહેલા સોફ્ટવેર મારફતે એક એન્ટ્રીના 40 રૂપિયાના ભાવે ડેટા વેચી સસ્તું અનાજ બારોબાર ચાઉ   કરી લેવાયું. જેમાં અનાજ ન લેતા લોકોના ડેટાની ચોરી કરવામાં આવી. તેની પાસે રહેલા સોફટવેરમાં હજારો લોકોના ડેટાની માહિતી હોવાનું સામે આવ્યું છે. 

અમદાવાદ ક્રાઇમ બ્રાન્ચને મળી સફળતા
અમદાવાદ ક્રાઇમ બ્રાંચને   રડારમાં આવી ચૂકેલા બંટીના આ કૌભાંડને ઉજાગર કરવામાં મોટી સફળતા મળી છે પંરંતુ આ ડેટા, આરોપી બંટીને કોણે આપ્યો અને કઈ રીતે આ કૌભાંડને આચરવામાં આવ્યું તેની તપાસ ફરાર બંટી પોલીસના ઝબ્બે થશે ત્યારે મળશે. હાલ તો ક્રાઇમ બ્રાંચ સસ્તા અનાજના સૌદાગરને પકડી પાડવા અને કોણ કોણ કૌભાંડમાં સામેલ છે તેના પરથી પડદો ઉઠાવવા મથી રહી છે. પણ ન   જાણે હજુ કેટલાય આવા કૌભાંડીઑ હશે જે આડકતરી રીતે ગરીબોના હક્ક પર તરાપ મારતા હશે જેના પર તવાઈ જરૂરી છે.