ભરતી / વાયુસેનામાં અગ્નિવીર બનવાની શાનદાર તક, રજીસ્ટ્રેશન થયું શરૂ, આવી રીતે કરી શકશો એપ્લાય

• અગ્નિવીરવાયુના પદ પર વેકેન્સી ખાલી
• અવિવાહિત ઉમેદવારો માટે IAFમાં ભરતી
• 31 માર્ચ 2023 છે છેલ્લી તારીખ

ભારતીય વાયુસેનામાં ભરતી થવાનું સપનું સજાવી રહેલા યુવાનો માટે ખુશખબર આવી ગઈ છે. Indian Air Force IAFએ અવિવાહિત ભારતીય પુરુષ અને મહિલા ઉમેદવારો માટે અગ્નિવીરવાયુના રૂપમાં વાયુસેનામાં ભરતી કરવા માટે ઓનલાઈન એપ્લિકેશન શરૂ કરી છે. IAF Agniveervayu Recruitment 2023 માટે રજિસ્ટ્રેશન 17 માર્ચનાં રોજ શરૂ થઈ ગઈ છે.

ઓફિશિયલ નોટિફિકેશન અનુસાર યોગ્ય અને ઈચ્છુક યુવાઓ ઓફિશિયલ વેબસાઈટ www.agnipathvayu.cdac પર જઈને 31 માર્ચ સુધી નોકરી માટે અરજી દાખલ કરી શકશે. વાયુસેનામાં અગ્નિવીર બનવા ઈચ્છતા યુવાનોએ રજિસ્ટ્રેશન બાદ પરીક્ષા પણ આપવાની રહેશે. અગ્નિવીરવાયુ ભરતી પરીક્ષાનું આયોજન 20 મેનાં કરવામાં આવશે. 

આ રીતે કરો રજિસ્ટ્રેશન:

• વાયુસેનામાં અગ્નિવીરવાયુ બનવા માટે ઓફિશિયલ વેબસાઈટ agnipathvayu.cdac.in પર જાઓ.
• હવે રજિસ્ટ્રેશનની લિંક પર ક્લિક કરો.
• ઉમેદવારોએ પોતાની તમામ માહિતી ભરી અને રજિસ્ટર કરવું.
• છેલ્લે  પરીક્ષાની ફીઝ ભરવી.
• એપ્લિકેશન ફોર્મ સબમિટ કર્યા બાદ પ્રિંટ કઢાવી લેવી.

લાયકાત:
ઉંમર- ઉમેદવારનો જન્મ 26 ડિસેમ્બર, 2002થી 26 જાન્યુઆરી 2006ની વચ્ચે થયેલો હોવો જોઈએ.
ફીઝ- ઉમેદવારની પરીક્ષા ફીઝ 250 રૂપિયા રહેશે. આ સિવાય અન્ય કોઈપણ પ્રકારની ફીઝ આપવાની રહેશે નહીં.