- કોંગ્રેસ સાંસદ રાહુલ ગાંધી હાલ યુરોપના પ્રવાસે
- રાહુલે મોદી સરકારના નિર્ણયનું સમર્થન કર્યું
કોંગ્રેસ સાંસદ રાહુલ ગાંધી હાલ યુરોપના પ્રવાસે છે. બેલ્જિયમમાં પ્રેસ કોન્ફરન્સને સંબોધિત કરતાં રાહુલે મોદી સરકારના એક એક નિર્ણયનું સમર્થન કર્યું હતું. તેઓએ કહ્યું કે રશિયા અને યુક્રેન યુદ્ધ પર ભારત સરકારના નિર્ણયથી વિપક્ષ સહમત છે. ઉલ્લેખનીય છે કે આવી ખુબ જ ઓછી ઘટના જોવા મળી છે કે રાહુલ ગાંધી સહિત વિપક્ષ મોદી સરકારના નિર્ણયને સહકાર આપ્યો હોય.
કોંગ્રેસ નેતા રાહુલ ગાંધીએ કહ્યું કે - મને લાગે છે કે વિપક્ષ, રશિયા-યુક્રેન વચ્ચેના યુદ્ધ મામલે વર્તમાન સ્થિતિથી સહમત હશે. રશિયાની સાથે આપણા સંબંધ છે. મને નથી લાગતું કે વિપક્ષનો સરકાર વર્તમાનમાં જે કરી રહી છે તેનાથી કોઇ અલગ વિચાર હોય.
વિપક્ષનના નેતાને આમંત્રણ ન મોકલવાનો નિર્ણય લીધો છે....
દિલ્હીમાં જી20 શિખર સમ્મેલનમાં વિપક્ષના નેતા મલ્લિકાર્જુન ખડગેને આમંત્રણ ન પાઠવવા અંગેના સવાલ પર કોંગ્રેસ સાંસદ રાહુલ ગાંધીએ કહ્યું કે - તેઓએ વિપક્ષનના નેતાને આમંત્રણ ન મોકલવાનો નિર્ણય લીધો છે. જે કંઇક સૂચવે છે. જે સૂચવે છે કે તેઓ ભારતની 60 ટકા વસ્તીના નેતાને મહત્વ નથી આપતાં. આ અંગે લોકોએ વિચાર કરવાની જરૂર છે. આવું તેઓએ કેમ કર્યું હશે, તેની પાછળ શું કારણ છે ?
હું પણ રશિયાને એવી રીતે જ જવાબ આપત જે રીતે ભાજપે આપ્યો હતો
આ પહેલા જૂન મહિનામાં પણ રશિયા-યુક્રેન યુદ્ધ પર રાહુલ ગાંધીએ અમેરિકાના પ્રવાસ દરમિયાન કેન્દ્ર સરકારના નિર્ણયનું સમર્થન કર્યું હતું. તેઓએ વોશિંગ્ટનમમાં નેશનલ પ્રેસ ક્લબમાં પત્રકારો સાથે વાતચીત દરમિયાન કહ્યું હતું કે તેઓ પણ આ મુદ્દે મારી જેમ જ પ્રતિક્રિયા આપી હોત. હું પણ રશિયાને એવી રીતે જ જવાબ આપત જે રીતે ભાજપે આપ્યો હતો. આ મામલે કોંગ્રેસની નીતિ પણ આ પ્રકારની હોત.
