નિવેદન / VIDEO:... તો દરેક શહેરમાં આફતાબ પેદા થશે: ગુજરાત ચૂંટણીમાં શ્રદ્ધા મર્ડર કેસની ગૂંજ, CM સરમાએ ઉઠાવ્યો મુદ્દો

• ગુજરાત વિધાનસભા ચુંટણીમાં શ્રદ્ધા વળકર હત્યા કેસની ગૂંજ
• આસામના સીએમ હિમંત બિસ્વાએ કચ્છમાં આપ્યુ નિવેદન 
• તો...... દરેક શહેરમાં આફતાબ (અમીન પૂનાવાલા) જન્મ લેશે: હિમંત બિસ્વા

રાજધાની દિલ્હીમાં 26 વર્ષીય શ્રદ્ધા વળકરની હત્યાના કિસ્સાએ દેશને હચમચાવી નાખ્યો હતો. હવે ચૂંટણીમાં પણ તેનો પડઘો પડી રહ્યો છે. ગુજરાતમાં યોજાનારી વિધાનસભાની ચૂંટણીમાં તમામ પક્ષો પોતાનું સર્વસ્વ આપી રહ્યા છે. આસામના સીએમ હિમંત બિસ્વા સરમા કચ્છમાં એક રેલીને સંબોધિત કરી રહ્યા હતા. આ દરમિયાન તેમણે કહ્યું કે, જો દેશમાં કોઈ મજબૂત નેતા નહીં હોય તો દરેક શહેરમાં આફતાબ (અમીન પૂનાવાલા) જન્મ લેશે અને આપણે આપણા સમાજની રક્ષા કરી શકીશું નહીં.

હિમંત બિસ્વા સરમા લોકોને પીએમ મોદીને વોટ કરવાની અપીલ કરી રહ્યા હતા. તેમણે ભારપૂર્વક કહ્યું કે, દેશે તેમને કેન્દ્રમાં ત્રીજી ટર્મ આપવાની જરૂર છે. તેણે હત્યા કેસની ભયાનક વિગતો વર્ણવી અને તેને લવ જેહાદ ગણાવી. સીએમએ કહ્યું કે, આફતાબ શ્રદ્ધા બહેનને મુંબઈથી લાવ્યો અને લવ જેહાદના નામે તેના 35 ટુકડા કરી દીધા. અને લાશ ક્યાં રાખવામાં આવી હતી ? ફ્રીજમાં. તેમણે કહ્યું કે જ્યારે તેનું શરીર ફ્રિજમાં હતું, ત્યારે તે બીજી મહિલાને ઘરે લાવ્યો અને તેની સાથે ડેટિંગ કરવાનું શરૂ કર્યું. 

#WATCH | If today the country does not have a strong leader, a govt that respects nation as a mother, such Aftabs will emerge in every city and we will not be able to safeguard our society: Assam CM Himanta Biswa Sarma on Shraddha Murder Case (18.11.22) pic.twitter.com/HwZQn0BssF

— ANI (@ANI) November 19, 2022

હિમંત બિસ્વા સરમાએ કહ્યું, “જો દેશ પાસે એક શક્તિશાળી નેતા નથી જે દેશને પોતાની માતા માને છે, તો આવા આફતાબ દરેક શહેરમાં જન્મશે અને આપણે આપણા સમાજની સુરક્ષા કરી શકીશું નહીં. આસામના સીએમએ કહ્યું, '2024માં નરેન્દ્ર મોદીને ત્રીજી વખત ફરીથી પીએમ બનાવવામાં આવે તે ખૂબ જ મહત્વપૂર્ણ છે. શ્રદ્ધા વળકર મર્ડર કેસથી દેશભરમાં ખળભળાટ મચી ગયો છે.

હત્યાથી મચી ગઈ હતી સનસનાટી

શ્રદ્ધા અને આફતાબ બંને કોલ સેન્ટરના કર્મચારી હતા. આ દરમિયાન બંને વચ્ચે મિત્રતા વધી હતી. મે મહિનામાં તેઓ દિલ્હી ગયા હતા. ચાર દિવસ પછી ખર્ચ, લગ્નના દબાણ પર ચર્ચા શરૂ થઈ, પછી આફતાબે તેનું ગળું દબાવી હત્યા કરી. આ પછી શ્રદ્ધાના શરીરના 35 ટુકડા કરી ફ્રિજમાં રાખવામાં આવ્યા હતા. આ પછી તે દરરોજ જંગલમાં જઈને બે ટુકડા કરી દેતો હતો.