એક્શન / અદાણી હવે હિંડનબર્ગ સામે લડી લેવાના મૂડમાં, કાયદાકીય જંગ આપવા માટે લીધો આ મોટો નિર્ણય

• હિંડનબર્ગ સામે લડી લેવાના મૂડમાં અદાણી
• કાયદાકીય જંગ આપવા લીધો નિર્ણય

છેલ્લા કેટલાય દિવસથી અદાણી ગ્રુપને લઈને હંગામો મચી ગયો છે. બીજી તરફ નેગેટિવ રિપોર્ટને પગલે અદાણી ગ્રુપની આવકનું પણ ધોવાણ થયું છે. ત્યારે આ હંગામાનો વિશ્વની સાથે સાથે દેશની સંસદ સુધી પણ પડઘા પડ્યા હતા. આવી સ્થિતિ વચ્ચે હવે અદાણી ગ્રુપ લડી લેવાના મુડમાં છે અને હિંડનબર્ગ સામે કાયદાકીય જંગ આપવા માટે નિર્ણય પણ કરી લીધો છે.હિંડનબર્ગ અમેરિકાની એક કંપની છે. જે મોટી મોટી કંપનીઓ પર રિસર્ચ કરતી હોય છે. જેમાં તેમણે અદાણીના રીસર્ચ પર એક નેગેટીવ આપ્યો હતો. આને આ નેગેટીવ રીપોર્ટ બાદ અદાણી ગ્રુપના શેરમાં જાણે કોઈ આપતી આવી હોય તે રીતે દિન પ્રતિદિન તુટી રહ્યા હતા.

હિંડનબર્ગના રીપોર્ટ બાદ સુનામી

હિંડનબર્ગના રીપોર્ટ બાદ અદાણી ગ્રુપને મોટુ નુકશાની ભોગવવાનો વારો આવ્યો હતો. જેમાં વાત કરીએ તો કંપનીની માર્કેટ કેપમાં $100 બિલિયનનો ઘટાડો જોવા મળી રહ્યો છે. ઉલ્લેખનીય છે કે હિંડનબર્ગે અદાણી પર એવા કેટલાક આરોપો લગાવ્યા હતા. જેમાં મની લોન્ડરિંગ, શેરની હેરાફેરી, શેરની વધુ પડતી કિંમત, ખાતાઓમાં હેરાફેરી જેવા ગંભીર આરોપો મૂકવામાં આવ્યા હતા. જેના કારણે હવે અદાણી ગ્રુપ હિંડનબર્ગ સામે લડી લેવા માટે કાયદાકીય રસ્તો અપનાવ્યો છે. અને હાલમાં કાનુની લડાઈ લડવા માટેની તમામ પ્રકારની તૈયારીઓ શરૂ કરી દિધી છે. આ લડાઈ લડવા માટે અમેરિકાની જ એક મોટી કાયદીય પેઢી એવી અમેરિકન લીગલ ફર્મ વોચટેલને જ હાયર કરી છે.

અદાણી ગ્રુપે અમેરિકાની કાયદાકીય ફર્મનો સંપર્ક સાધ્યો

એક મીડિયા રીપોર્ટસના અહેવાલની વાત કરીએ તો, હિંડનબર્ગ સામે કાયદાકીય રીતે લડવા માટે અદાણી ગ્રુપે પહેલા કેટલીક અમેરિકાની કાયદાકીય ફર્મનો સંપર્ક સાધ્યો હતો. જેમાં વૉચટેલ, લિફ્ટન, રોસેન, કેટ્ઝ જેવી મોટી કંપની અને કાયદાઓના નિષ્ણાંતોનો સંપર્ક કર્યો હોવાનું સામે આવ્યું છે. અને ત્યાર બાદ અદાણી ગ્રુપ આ નિર્ણય પર આવી તેમણે વોચટેલ ફર્મને હાયર કરી હતી. વોચ ટેલ કંપનીની જો વાત કરીએ તો તે વિવાદાસ્પદ કેસો લડવા માટે ખૂબ જ ફેમસ છે.