ના હોય / કોરોના બાદ શરીરમાં કેટલા સમય સુધી રહે છે એન્ટીબોડી? રિસર્ચમાં થયો ચોંકાવનારો ખુલાસો

• કોરોના વાયરસ થયા બાદ શરીરમાં કેટલા સમય સુધી રહે છે એન્ટીબોડી? 
• વોશિગંટન યુનિવર્સિટી સ્કૂલ ઓફ મેડિસિનમાં થયું રિસર્ચ
• રિસર્ચ અનુસાર જીવનભર શરીરમાં રહે છે એન્ટીબોડી 

કોરોનાવાયરસના કારણે આખી દુનિયા મુશ્કેલીમાં મુકાઈ ગઈ છે. એવામાં જો કોઈ રાહતની ખબર સામે આવે તો હાંસ થાય છે. આવી જ એક ખબર આમે આવી છે વોશિગંટન યુનિવર્સિટી સ્કૂલ ઓફ મેડિસિનમાંથી. અહીંના સંશોધકોએ કહ્યું છે કે કોરોનાના હલ્કા લક્ષણ ધરાવતા દર્દીઓ હંમેશા કોરોનાથી લડી શકે છે. એટલે કે શરીરમાં કોરોના વિરૂદ્ધ એન્ટી બોડી હંમેશા બનતી રહેશે. સાથે જ કોરોના વાયરસ સામે સંઘર્ષ કરતું રહે છે. સૌથી મોટી ખબર એ છે કે કોરોના સંક્રમણના પહેલા લક્ષણના 11 મહિના બાદ ફરીથી એન્ટીબોડી વિકસિત થઈ શકે છે. 

કોરોનાથી સાજા થયા બાદ પણ કામ કરતા રહે છે એન્ટી બોડી સેલ્સ 

અમેરિકાના સેન્ટ લુઈસ સ્થિત વોશિંગટન યુનિવર્સિટી સ્કૂલ ઓફ મેડિસિનના રિસર્ચર્સની આ સ્ટડી સાયન્સ જર્નલ નેચરમાં 24 મેના રોજ પ્રકાશિત થઈ છે. સાયન્ટિસ્ટ્સએ જણાવ્યું કે કોરોના સંક્રમણની સાજા થયાના થોડા મહિનાઓ બાદ પણ લોકોમાં કોરોના વાયરસ સાથે લડવાની એન્ટીબોડી સેલ્સ કામ કરતા રહે છે. 

એન્ટીબોડી જીવનભર શરીરમાં રહે છે 

કોરોના વાયરસ વિરૂદ્ધ આ કોષિકાઓ પ્રતિરોધક ક્ષમતા વિકસિત કરે છે. ચોકાવનારો ખુલાસો એ છે કે એન્ટીબોડી જીવનભર તમારા શરીરમાં રહે છે. એટલે કે તમારા શરીરમાં તમારા સંપૂર્ણ જીવનકાળ સમયે આ પ્રતિરોધક ક્ષમતા બની રહેશે.  

વોશિંગટન યુનિવર્સિટી સ્કૂલ ઓફ મેડિસિનના એસોસિએટ પ્રોફેસર અને આ સ્ટડીના લેખકે કહ્યું કે કોરોના વાયરસની પહેલી લહેર એટલે કે ગયા વર્ષે ગરમીઓની સિઝનમાં એવી ખબરો સામે આવી હતી કે સંક્રમણ બાદ એન્ટીબોડી વધારે દિવસો સુધી શરીરમાં નથી રહેતી. પરંતુ આ વાત સાચી નથી. સંક્રમણ બાદ એન્ટીબોડી ઓછી થાય છે. ઈમ્યૂનિટી પણ કમજોર થઈ જાય છે પરંતુ ફરી તે રિકવર પણ થઈ જાય છે. 

અલી એલબેડીએ કહ્યું કે સંક્રમણ બાદ શરીરમાં ઈમ્યૂનિટી ઓછી થવી એક સામાન્ય બાબત છે. પરંતુ તે ખતમ નથી થતી. એમે તપાસમાં જોયું કે પહેલા લક્ષણના 11 મહિના બાદ પણ લોકોના શરીરમાં એન્ટીબોડી બનતી રહે છે. આ એન્ટીબોડી સેલ્સ જીવનભર માટે લોકોને કોરોના સંક્રમણથી બચવામાં મદદ કરે છે. તે ક્યારેય ખતમ નથી થતા.જેવો વાયરસનો શરીર પર હુમલો થાય છે તે ફરી જાગી જાય છે અને વાયરસ સાથે સંઘર્ષ કરે છે. 

એન્ટીબોડી જે કોષિકાઓમાં બને છે તેને પ્લાઝમાં સેલ્સ કહેવામાં આવે છે 

અલી એલબેડીએ જણાવ્યું કે કોરોના સંક્રમણ સમયે જે એન્ટીબોડી વિકસિત થાય છે તે ઈમ્યૂનિટી સેલ્સને વહેચી નાખે છે. ધીરે ધીરે લોહીમાં પહોંચી જાય છે. જેના કારણે એન્ટીબોડીનું સ્તર શરીરમાં ઝડપથી વધવા લાગે છે. આ એન્ટીબોડી જે કોષિકાઓમાંથી બને છે તેને પ્લાઝમાં સેલ્સ કહેવામાં આવે છે. 

પ્લાઝમાં શરીરમાં હાજર બોન મેરોમાં જઈને રહે છે. જોકે તેની સંખ્યા ઓછી થઈ જાય છે. પરંતુ જેવા શરીરમાં વાયરસ આક્રમણ કરે છે તે સક્રિય થઈ જાય છે અને વિભાજીત થઈને પોતાની સંખ્યા વધારી લે છે અને વાયરસ સાથે યુદ્ધ કરી લે છે. આ એન્ટીબોડી શરીરને કોરોના વાયરસ સંક્રમણથી બચાવે છે.