દુર્ઘટના / વડોદરા નજીક ટ્રક અને આઈશર વચ્ચે ગોઝારો અકસ્માત, 12 લોકોના કમકમાટી ભર્યા મોત

Kavan

Last Updated: 11:58 PM, 22 February 2020

FOLLOW ON

શેર કરો

રાજ્યમાં છેલ્લા કેટલાક સમયગાળાથી અકસ્માતની ઘટનામાં વધારો થયો છે. વાહનોની સંખ્યા વધવાને કારણે દિવસેને દિવસે માર્ગ અકસ્માતની ઘટનાઓમાં પણ વધારો થવા લાગ્યો છે ત્યારે આવો જ ગોઝારો અકસ્માત વડોદરાના પાદરા હાઇવે પર બન્યો હતો. જેમાં 12 લાકોના ઘટના સ્થળે જ કમકમાટીભર્યા મોત નિપજ્યા હતા.

પાદરાના રણું પાસે ટ્રક અને ડમ્પર વચ્ચે અકસ્માત
અકસ્માતમાં 12 લોકોના નિપજ્યા મોત
લગ્ન પ્રસંગથી પરત ફરતા સમયે અકસ્માત

પ્રાપ્ત થયેલી વિગત અનુસાર, વડોદરાના પાદરાના રણું મહુવડ રોડ પર ટ્રક અને છોટા હાથી વચ્ચે મોડી સાંજે ગમખ્વાર અકસ્માત સર્જાયો છે. આ અકસ્માતમાં 12 લોકોના ઘટના સ્થળે જ મોત થયાના અહેવાલ પ્રાપ્ત થયાં છે. જ્યારે અન્ય 10થી વધુ લોકો ઈજાગ્રસ્ત થયા હતા.

ગમખ્વાર અકસ્માતને પગલે સર્જાયો ટ્રાફિક જામ

શનિવારની મોડી સાંજે બનેલી આ ગમખ્વાર અકસ્માતની ઘટનાને પગલે વાતાવરણ લોકોની ચીચીયારીઓથી ગુંજી ઉઠ્યું હતું. જો કે, આસપાસના વિસ્તારના લોકો તાત્કાલિક અસરથી ઘટના સ્થળે જ દોડી આવ્યા હતા અને બચાવ કામગીરી હાથ ધરી હતી અને ટ્રાફિક જામના દ્રશ્યો પણ સર્જાયા હતા.

દીકરીના ઘરે પ્રસંગ પતાવીને પરત ફરી રહ્યો પરિવાર

દીકરીના ઘરે લગ્નનો પ્રસંગ હોવાથી પરિવાર સહિતના સંબંધીઓ મોસાળુ કરવા ગયા હતા. જ્યાંથી પરત ફરતી વેળાએ આ પરિવારને અકસ્માત નડ્યો હતો જેમાં 7 લોકોના ઘટના સ્થળે જ કમકમાટીભર્યા મોત નિપજ્યા હતા. કુલ 12 લોકોના મોત નિપજ્યા છે.

સંકળાયેલા મુદ્દાઓ

Vadodara news accident baroda અકસ્માત વડોદરા Accident