- રાજ્યમાં આપઘાતની ઘટનાઓમા નોંધપાત્ર વધારો
- અમદાવાદમાં મકાન બાબતે 45 વર્ષના વ્યક્તિનો આપઘાત
- વલસાડમાં પુલના એન્ગલ સાથે ગળેફાંસો ખાઈ યુવકે આપઘાત કર્યો
Gujarat Suicide News : રાજ્યમાં આપઘાતની ઘટનાઓમા નોંધપાત્ર વધારો થઈ રહ્યો છે. આવી ઘટનાઓ પાછળ અનેક કારણો હોય છે. આ તરફ હવે ફરી એકવાર અમદાવાદ અને વલસાડમાં આપઘાતની ઘટના સામે આવી છે. અમદાવાદના નિકોલમાં મકાન ખાલી કરવા માટે દબાણ કરાતું હોવાનો ઉલ્લેખ સ્યુસાઇડ નોટમાં કરી 45 વર્ષના વ્યક્તિને ઝેરી દવા પી આપઘાત કરી લીધો હતો. આ તરફ વલસાડમાં એક યુવકે પુલના એંગલ સાથે ગળેફાંસો ખાઈ આપઘાત કરી લીધો છે.
મકાન બાબતે 45 વર્ષના વ્યક્તિનો આપઘાત
અમદાવાદના નિકોલમાં મકાન બાબતે 45 વર્ષના વ્યક્તિએ આપઘાત કરી લીધો છે. વિગતો મુજબ 45 વર્ષના કિરણ ભૂતે ઝેરી દવા પીધાના 2 દિવસ બાદ મોત થયું છે. આ તરફ હવે મૃતકની સ્યૂસાઇડ નોટમાં મકાન ખાલી કરાવવા માટે દબાણનો ઉલ્લેખ કરવામાં આવ્યો છે. આ સાથે કિરણ અને તેમના પુત્રને મકાન ખાલી કરવા માટે દબાણ કરાતું હોવાનો ઉલ્લેખ પણ નોટમાં કરવામાં આવ્યો છે. કિરણ અને દીકરાને જેલ ભેગા કરી દેવાની ધમકી અને ત્રાસને લઇ આત્મહત્યા કરી હોવાનું સ્યૂસાઇડ નોટમાં ઉલ્લેખ કરવામાં આવતા હડકંપ મચી ગયો છે.
પુલના એન્ગલ સાથે ગળેફાંસો ખાઈ યુવકે આપઘાત કર્યો
વલસાડના ધરમપુરના ઓઝર ગામમાં યુવકે આપઘાત કરી લીધો છે. વાત જાણે એમ છે કે, રાત્રિના સમયે બાઈક લઇ ઘરેથી નીકળ્યા બાદ વહેલી સવારે યુવકનો મૃતદેહ મળ્યો હતો. જેમાં પુલના એન્ગલ સાથે ગળેફાંસો ખાઈ યુવકે આપઘાત કર્યો હોવાનું સામે આવ્યું છે. આ તરફ 29 વર્ષીય યુવકે ગળેફાંસો ખાઈ લેતા પરિવારમાં શોકનો માહોલ વ્યાપી ગયો છે. ઘટનાને લઈ ધરમપુર પોલીસે આ મામલે વધુ તપાસ હાથ ધરી છે.
