સુરક્ષામાં ચૂક / રાજકોટ એરપોર્ટનો VVIP ગેટ તોડી રિક્ષા સાથે રનવેમાં ઘૂસવા ગયો દારૂડિયો, CISF જવાનોમાં મચ્યો હડકંપ

• રાજકોટ એરપોર્ટ પર મોટી સુરક્ષા ચૂક 
• રીક્ષા ચાલક VVIP ગેટ તોડી રન વે ના ગેટ સુધી પહોંચ્યો
• તાત્કાલિક CISFના જવાનોએ પકડી પાડયો 
• રીક્ષા ચાલક દારૂ પીધેલ હોવાની પોલીસને શંકા 

રાજકોટ એરપોર્ટ પર સુરક્ષામાં મોટી ચૂક થવા પામી છે. જેમાં રીક્ષા ચાલક VVIP ગેટ તોડી રન વે ના ગેટ સુધી પહોંચ્યો હતો. ત્યારે તાત્કાલિક  CISFના જવાનોએ પકડી પાડયો હતો. રીક્ષા ચાલક દારૂ પીધેલ હોવાની પોલીસને શંકા છે. આ ઘટના ત્યારે બની જ્યારે ઈન્ડિગોની બેંગલુરૂ માટેની ફ્લાઈટ હજુ લેન્ડિંગ થઈ હતી. જો થોડીક વહેલી ઘટના બની હોત તો મોટી દુર્ઘટના સર્જાવાની સંભાવના હતી.

રીક્ષા ચાલક દારૂ પીધેલ હોવાની પોલીસને શંકા 
ત્યારે કોઈ અનિચ્છનિય ઘટના ન બને તે માટે રાજકોટ પોલીસને કાફલો તેમજ મેટલ ડિટેક્ટર, ડોગ સ્કોર્ડને લઈને રાજકોટ એરપોર્ટ પહોચી ગયો હતો. અને તાત્કાલીક ધોરણે સમગ્ર એરિયાનું ચેકીંગ હાથ ધર્યું હતું. અચાનક એરપોર્ટમાં રીક્ષા ઘુસ્યાનાં સમાચાર વાયુ વેગે રાજકોટમાં પ્રસરતા સૌ કોઈ અચંબામાં મુકાઈ જવા પામ્યા હતા.