મેંગો માર્કેટ / પ્રખ્યાત તાલાલા ખાતે કેસર કેરીના શ્રી ગણેશ, મુહૂર્તની હરાજીમાં એક બોક્સ 21 હજારમાં વેચાયું, જુઓ સામાન્ય ભાવ કેવો રહેશે

• તાલાલા ખાતે કેસર કેરીની હરાજીનો પ્રારંભ
• પ્રથમ બોક્સ ગૌશાળાના લાભાર્થે 21 હજારમાં વેચાયું
•  સરેરાશ ભાવ 600થી 700 રૂપિયાની આસપાસ 

 ફળો નાં રાજા તરીકે ઓળખાતી કેસર કેરીની આજે તાલાળા એ.પી.એમ.સી. ખાતે વિધિવત હરાજીની શરૂઆત થઈ છે. ગત વર્ષની તુલના એ ડબલ બોક્સ  એટલે  કે 7 હજાર બોક્સ કેસર કેરીના માર્કેટમાં આવ્યા હતા. હરાજી માં પ્રથમ બોક્સ 21 હજાર રૂપિયામાં ગયું હતું. આ રકમ પરંપરાગત રીતે ગૌશાળામાં આપવામાં આવી હતી. ત્યારબાદ ઓછામાં ઓછાં 400 રૂપિયાથી લઈ 1200 રૂપિયામાં સારી કેરીના એક બોક્સની બોલી લાગી હતી. નાના અને મધ્યમ ફળના 500 થી 700 રૂપિયા બોક્સનો ભાવ રહેશે. પ્રતિકૂળ હવામાન અને ગત વર્ષનાં વાવાઝોડા ને કારણે કેરીને ગ્રહણ લાગી ગયું છે. જેને લઈ ઉત્પાદન ઘણુંજ ઘટ્યું છે. પરંતુ આ વખતે એક્સપોર્ટની પણ મોટા પ્રમાણમાં સંભાવના વર્તાય રહી છે. અને અંદાજે 15 જૂન સુધી સિઝન ચાલશે.

ખેડૂતો ના મતે કેસર કેરી ના ભાવ પરવડે તેમ નથી
સમગ્ર ગીર વિસ્તારમાં આ વખતે વાતાવરણની વિષમતાને કારણે કેસરના ઉત્પાદન અસર ચોકસ થઈ છે છતાં  કેસર પકવતા ખેડૂતો ખૂબ મોટી માત્રા મા કેરીના બોક્સ લઈ ને આવ્યા હતા. તો બીજી તરફ તાલાલા માર્કેટિંગ યાર્ડ ની હરાજી શરૂ થતાં ભાવ ને લઈ ખેડૂતો મા કહી ખુશી કહી ગામ નો માહોલ જોવા મળી રહ્યો છે. ખેડૂતો ના મતે કેસર કેરી ના ભાવ પરવડે તેમ નથી. ખેડૂતો ને 10 કિલો બોક્સ ના માત્ર 400 થી 600 આપવામાં આવે છે જે ભાવ ખેડૂતો ને પરવડતા નથી. જો કે ખેડૂતો ની કેરી ઉપરથી પણ ભાવ નક્કી થતા હોય છે ઘણા ખેડૂત ને બોક્સ ના ભાવ ઉંચા પણ મળ્યા છે.

પ્રથમ બોક્સ 21 હજાર માં જિલ્લા ભાજપ પ્રમુખે ખરીદ્યું 
કેસર કેરીની હરાજી શરૂ થતાં પ્રથમ બોક્સ 21 હજાર માં જિલ્લા ભાજપ પ્રમુખે ખરીદ્યું હતું અને ત્યારબાદ તેઓએ જણાવ્યું હતું કે કેસર કેરી પકવતા ખેડૂતો માટે સરકાર મદદ રૂપ થઈ રહી છે. અને કેસર ને વિદેશ મા એક્સપોર્ટ કરવાની પણ ત્યારી છે. જેના કારણે ખેડૂતો ને ઉંચા ભાવ મળશે.