- ઉત્તર પ્રદેશના મહોબાથી એક ચોંકાવનારા સમાચાર સામે આવ્યા
- મહોબામાં ભેંસના છાણને કારણે 6 મહિનાના બાળકનું મોત થયું
- પારણામાં સુતેલા બાળક પર ભેંસે ગોબર કરતા શ્વાસ ન લઈ શક્યું
ઉત્તર પ્રદેશના મહોબાથી એક ચોંકાવનારા સમાચાર સામે આવ્યા છે. યુપીના મહોબામાં ભેંસના છાણને કારણે 6 મહિનાના બાળકનું મોત થયું છે. માસુમ બાળકના માતા-પિતા માસુમ બાળકને પારણામાં રાખ્યા બાદ ખેતરમાં કામ કરી રહ્યા હતા ત્યારે આ ઘટના બની હતી. પારણા પાસે એક ભેંસ બાંધેલી હતી અને તેના પર ગોબર કર્યું. જેના કારણે બાળકનું શ્વાસ રૂંધાઈ જતાં મોત નીપજ્યું હતું. આ હૃદયદ્રાવક ઘટના જિલ્લાના કુલપહાર પોલીસ સ્ટેશન વિસ્તારમાં બની હતી. જણાવવામાં આવી રહ્યું છે કે સાંજના સમયે પારણામાં સુતેલા માસૂમ બાળકની નજીકમાં એક ભેંસ બાંધી હતી. ભેંસે પોદળો કરતા નજીકમાં સુતેલા બાળકનો શ્વાસ રૂંધાઈ ગયો અને તેનું મૃત્યુ થયું. બાળકના માતા-પિતા તેમના 6 મહિનાના બાળક સાથે ખેતરમાં કામ કરવા ગયા હતા. મુકેશ યાદવની પત્ની નિકિતાએ તેના 6 મહિનાના બાળકને પારણામાં મૂકીને ખેતી કરવાનું શરૂ કર્યું. ત્યારે આ ઘટના બની હતી.
શ્વાસ રૂંધાવાથી મૃત્યુ
બાળકીની માતાને ખબર ન હતી કે બાળકની પાસે ભેંસ બાંધેલી છે. બાળકના મૃત્યુનું કારણ ભેંસ હશે તેની માતાને પણ કલ્પના નહોતી. નજીકમાં બાંધેલી ભેંસે પારણા પર ગોબર કર્યું. જેના કારણે માસુમ બાળક મોઢામાંથી શ્વાસ લઈ શકતો ન હતો અને શ્વાસ રૂંધાવાથી તેનું મોત થયું હતું. પરિવારજનોએ બાળકને જોયું તો તે ગંભીર હાલતમાં હતું. બાળકને તાત્કાલિક સારવાર માટે જિલ્લા હોસ્પિટલમાં લઈ જવામાં આવ્યો, જ્યાં ડૉક્ટરોએ તેને મૃત જાહેર કર્યો. મોતના સમાચાર મળતા જ પરિવારમાં ગમગીની છવાઈ ગઈ હતી. આ અજીબોગરીબ ઘટનાને કારણે મોત બાદ દરેક લોકો સ્તબ્ધ થઈ ગયા હતા.
