અસામાજિક તત્વો બેફામ / જૂનાગઢમાં એક વ્યક્તિ પર 8 શખ્સો હથિયાર લઈને તૂટી પડ્યા, હળવદમાં પાઈપથી જીવલેણ હુમલો, ઘટનાઓ CCTVમાં કેદ

• ગાંધીનગરમાં બુકાનીધારી શખ્સોએ ગાડીનાં કાચ તોડ્યા
• હળવદમાં દુકાનદાર પાસે રૂપિયા માંગી તોડફોડ કરી
• જૂનાગઢમાં 8 શખ્સોએ પેટ્રોલપંપનાં કર્મીઓ પર હુમલો કર્યો

કાચ તોડતા અજાણ્યા શખ્સો CCTV કેમેરામાં થયા કેદ
ગાંધીનગરમાં અસામાજિક તત્વોએ આતંક મચાવ્યો છે. જેમાં સેક્ટર 24 માં શ્રીનગર હાઉસિંગ સોસાયટીમાં અજાણ્યા શખ્સો દ્વારા ઘરની બહાર પાર્ક કરેલ કારના કાચ તોડ્યા હતા. આ સમગ્ર ઘટનાં સીસીટીવી કેમેરામાં કેદ થઈ હતી. જેમાં 5 જેટલા બુકાનીધારી શખ્સોએ ઘરની બહાર પાર્ક કરેલ કારનાં કાચ તોડ્યા હતા. આ સમગ્ર મામલે ગાંધીનગર સેક્ટર 24 માં પોલીસે ફરિયાદ નોંધી તપાસ હાથ ધરી છે.

દુકાનદાર પાસે રૂપિયા માંગીને શખ્સે કરી તોડફોડ
મોરબીનાં હળવદનાં અજીતગઢ ગામમાં દુકાનદાર પાસે રૂપિયા માંગ્યા હતા. ત્યારે દુકાનદાર દ્વારા રૂપિયા ન આપતા શખ્સે દુકાનમાં તોડફોડ કરી હતી. જે બાદ તોડફોડ કરનાર વ્યક્તિને સમજાવવા જતા સમજાવવા ગયેલ વ્યક્તિ પર પાઈપથી હુમલો કર્યો હતો. ત્યારે જયેશ ડાંગર નામનાં શખ્સે મારપીટ કરી ધમકી આપી હતી. ભોગ બનેલા વેપારીએ હળવદ તાલુકા પોલીસે મથકે ફરિયાદ કરતા પોલીસે ગુનો નોંધી કાયદેસરની કાર્યવાહી હાથ ધરી હતી. પોલીસે સમગ્ર ઘટનાનાં સીસીટીવી ફૂટેજ પણ કબ્જે કર્યા છે. 

પેટ્રોલપંપ પર હુમલાની ઘટનાના CCTV આવ્યા સામે 
જૂનાગઢનાં ઝાંઝરડા રોડ પરનાં પેટ્રોલ પંપનાં કર્મીઓ પર અજાણ્યા શખ્સોએ લાકડી અને હથિયાર વડે પેટ્રોલપંપનાં કર્મીઓ પર હુમલો થયો હતો. પેટ્રોલ પંપ પર હુમલાની ઘટનાનાં સીસીટીવી સામે આવ્યા હતા. કારમાં આવેલા શખ્સોએ પેટ્રોલ પંપ પર મારામારી કરી હતી. આ મામલે પોલીસે 8 શખ્શો વિરૂદ્ધ ગુનો નોંધી તપાસ શરૂ કરી છે.