પ્રદર્શન / 5 વર્ષ બાદ ટીમ ઇન્ડીયા સાથે ઘટી શરમજનક ઘટના, કોહલી અને પુજારા માત્ર જોતાં રહી ગયાં

એંટીગા ટેસ્ટમાં વેસ્ટ ઇન્ડીઝનાં કેપ્ટન જેસન હોલ્ડરે ટૉસ જીતીને પ્રથમ બેટિંગનો નિર્ણય કર્યો. કેપ્ટનનાં નિર્ણયને સાચો સાબિત કરતા બેટ્સમેનોએ રમત પહેલાં જ કલાકમાં ટીમ ઇન્ડીયાની ત્રણ વિકેટ લેવાઇ ગઇ. મયંક અગ્રવાલ, ચેતેશ્વર પુજારા અને કેપ્ટન કોહલી સસ્તામાં જ નીપટાઇ ગયાં. આઠ ઓવર ખતમ થતાં પહેલા ભારતે 25 રનનાં સ્કોર પર ત્રણ વિકેટ ગુમાવી દીધી હતી.

રોચ અને ગ્રૈબિએલે મચાવ્યો કહેરઃ
ઇનિંગની શરૂઆતમાં જ ભારતને કેમાર રોચે ઝટકો આપ્યો. પાંચમી ઓવરનાં બીજા બોલ પર રોચ મયંકને અંદાજે 5 રનનાં સ્કોર પર પરત મોકલી દીધાં. ત્યાર બાદ રોચનાં આગામી શિકાર પુજારા બન્યાં. માત્ર 4 બોલ રમ્યા બાદ તેઓ 2 રન બનાવીને આઉટ થઇ ગયાં. ત્યાર બાદ શૈનન ગ્રૈબ્રિએલે કેપ્ટન કોહલીને 9 રનનાં સ્કોર પર આઉટ કરી ભારતને મોટો ઝટકો આપ્યો.

5 વર્ષ બાદ થઇ ભારતની આવી ખરાબ હાલતઃ
આ છેલ્લાં પાંચ વર્ષમાં ટેસ્ટમાં ભારતની સૌથી ખરાબ શરૂઆત રહી છે. આ પહેલાં વર્ષ 2014માં ટીમ ઇન્ડીયાએ પ્રથમ ઇનિંગમાં અંદાજે 8 ઓવર અંદર પોતાનાં ત્રણ શરૂઆતનાં બેટ્સમેન ગુમાવ્યાં હતાં. મૈનચેસ્ટરમાં ઇગ્લેન્ડ વિરૂદ્ધ રમવામાં આવેલ ટેસ્ટ મેચની પ્રથમ ઇનિંગમાં 5.1 ઓવરમાં ટૉપનાં ચાર બેટ્સમેન અંદાજે 8 રનનાં સ્કોર પર પરત ફર્યા હતાં. આ મેચની પ્રથમ ઇનિંગમાં ભારતીય ટીમ અંદાજે 152 રનો પર આઉટ થઇ ગઇ હતી.