- ઉત્તરાખંડમાં ટનલનો એક ભાગ તૂટ્યાને 35 કલાકથી વધુ સમય વીતી ગયો
- દુર્ઘટનાનાં 30 કલાક બાદ સીએમ પુષ્કર ધામી ઘટનાસ્થળે પહોંચ્યા
- ભગવાનને પ્રાર્થના છે કે અંદર ફસાયેલા કામદારો સુરક્ષિત રીતે બહાર આવેઃ સીએમ
ઉત્તરાખંડના ઉત્તરકાશીમાં બનેલી ટનલનો એક ભાગ તૂટી પડ્યાને 35 કલાકથી વધુ સમય વીતી ગયો છે. પરંતુ હજુ સુધી બચાવ કાર્ય પૂર્ણ થયું નથી. અકસ્માતના 30 કલાક બાદ રાજ્યના સીએમ પુષ્કર ધામી ઘટનાસ્થળે પહોંચ્યા અને અધિકારીઓ સાથે વાત કરી. તેમણે કહ્યું કે તેઓ ભગવાનને પ્રાર્થના છે કે અંદર ફસાયેલા કામદારો સુરક્ષિત રીતે બહાર આવે અને આ માટે પ્રયાસો ચાલુ છે. સીએમ ધામીના આ નિવેદનથી અનેક સવાલો ઉભા થયા છે.
.jpg)
યોજનાં બની રહી છે
બીજી તરફ નેશનલ હાઈવે એન્ડ ઈન્ફ્રાસ્ટ્રક્ચર ડેવલપમેન્ટ કોર્પોરેશન (NHIDCL) એ સોમવારે જણાવ્યું હતું કે તે ઉત્તરકાશીમાં સિલ્ક્યારા ટનલ લગભગ એક મીટર લાંબી સ્ટીલની પાઈપ સાથે તૂટી પડતાં તેમાં ફસાયેલા 40 શ્રમિકોને બચાવવાની યોજના બનાવી રહી છે.
રવિવારે વહેલી સવારે સર્જાઈ હતી દુર્ઘટના
બ્રહ્મખાલ-યમુનોત્રી નેશનલ હાઇવે પર સિલ્ક્યારા અને દાંડલગાંવ વચ્ચે નિર્માણાધીન ટનલનો એક ભાગ રવિવારે વહેલી સવારે તૂટી પડ્યો હતો. જેમાં 40 કામદારો ફસાયા હતા. આ ટનલનું નિર્માણ કરતી કંપની NHIDCLએ સોમવારે જણાવ્યું હતું કે સુરંગની અંદરથી 'શોટક્રીટિંગ' (કોંક્રિટ સ્પ્રે) વડે માટી કાઢવામાં આવી રહી છે. જ્યારે હાઈડ્રોલિક જેકની મદદથી અંદર 900 મીમી વ્યાસની સ્ટીલની પાઇપ નાખવામાં આવી રહી છે. જેથી ટનલમાં ફસાયેલા લોકોને બચાવી શકાય.
સિંચાઈ વિભાગના નિષ્ણાતોની ટીમ પણ સ્થળ પર પહોંચી
કંપનીએ કહ્યું કે રાજ્ય સરકારની મદદથી હરિદ્વારથી સ્ટીલની પાઈપો લાવવામાં આવી રહી છે. ટનલમાં સ્ટીલની પાઈપ નાખવા માટે સિંચાઈ વિભાગના નિષ્ણાતોની ટીમ પણ સ્થળ પર પહોંચી રહી છે. NHIDCLએ કહ્યું કે ટનલમાં ફસાયેલા કામદારોને પાણી, ખોરાક, ઓક્સિજન અને વીજળી સતત પૂરી પાડવામાં આવી રહી છે. તેમણે કહ્યું કે આ સિવાય ખાદ્યપદાર્થોના નાના પેકેટો ટનલની અંદર પાઇપ દ્વારા પહોંચાડવામાં આવ્યા છે.
નિષ્ણાંતો તેમજ એન્જીનીયરોની ટીમે ઘટનાં સ્થળની મુલાકાત લીધી
કંપનીએ કહ્યું કે સુરંગમાં ફસાયેલા શ્રમિકોએ સ્પષ્ટતા કરી છે કે તેમને ખાદ્ય સામગ્રી મળી છે. અને તેઓ સુરક્ષિત છે. રેલ વિકાસ નિગમ લિમિટેડ અને નેશનલ હાઈવે ઓથોરિટી ઓફ ઈન્ડિયાના જીઓટેક્નિકલ નિષ્ણાતો અને એન્જિનિયરો સહિત અનેક અધિકારીઓએ બચાવ કામગીરીમાં મદદ કરવા માટે દુર્ઘટનાં સ્થળની મુલાકાત લીધી છે.
કેમ જરૂરી છે આ ટનલ
ઉત્તરકાશીમાં 4,531 મીટર લાંબી સિલ્ક્યારા ટનલ રોડ ટ્રાન્સપોર્ટ અને હાઈવે મંત્રાલયના ચારધામ રોડ પ્રોજેક્ટનો એક ભાગ છે. NHIDCL દ્વારા નવયુગ એન્જિનિયરિંગ કંપની લિમિટેડ દ્વારા રૂ. 853.79 કરોડના ખર્ચે તેનું નિર્માણ કરવામાં આવી રહ્યું છે. સાડા ચાર કિલોમીટર લાંબી આ સુરંગનું નિર્માણ કાર્ય પૂર્ણ થયા બાદ ઉત્તરકાશીથી યમુનોત્રી ધામનું અંતર 26 કિલોમીટર જેટલું ઘટી જશે.
