અ'મંગળવાર' / અમદાવાદ-કચ્છ હાઇવે પર લકઝરી બસે રિક્ષાને અડફેટે લીધી, 3 લોકોના કમકમાટી ભર્યા મોત, 2 ગંભીર

Vishnu

Last Updated: 11:15 PM, 4 January 2022

FOLLOW ON

શેર કરો

ધ્રાંગધ્રાના ચુલી ગામ પાસે લકઝરી બસે રિક્ષાને અતિ ઝડપથી ટક્કર મારી હતી જેમાં રિક્ષાસવાર 2 મહિલા સહિત 3ના મૃત્યુ થયા છે

અમદાવાદ-કચ્છ હાઇવે પર અકસ્માતે 3 મૃત્યુ
ધ્રાંગધ્રાના ચુલી ગામ પાસે થયો અકસ્માત
લકઝરી બસે રીક્ષાને અડફેટે લેતાં દુર્ઘટના

ગુજરાતમાં અકસ્માતની ઘટના દિવસેને દિવસે વધતી જાય છે. ત્યારે અમદાવાદ-કચ્છ હાઇવે પર સર્જાયેલા ભયાવહ અકસ્માતમાં 3 લોકોના કમકમાટી ભર્યા મોત નીપજયાં છે. લકઝરી બસે રીક્ષાને અડફેટે લેતા આ દુર્ઘટના સર્જાઇ હોવાની પ્રાથમિક માહિતી મળી રહી છે.

2 મહિલા સહિત સહિત કુલ 3ના મોત
અમદાવાદ-કચ્છ હાઇવે પર ધ્રાંગધ્રાના ચુલી ગામ પાસે થયેલો આ અકસ્માતમાં લકઝરી બસે રીક્ષાને જોરદાર ટકકર મારી હતી. જેથી હવામાં ફંગોળાઈ રિક્ષાના કુરચે કુરચા ઉડી ગયા હતા જેથી રિક્ષાસવાર 2 મહિલા સહિત 3ના ઘટના સ્થળે જ રૂવાડ ઊભા કરી દે તેવા મોત થયા હતા. રિક્ષામાં સવાર અન્ય 2 બાળકીઓ ગંભીર રીતે ઈજાગ્રસ્ત થતાં તેમને તાત્કાલિક સારવાર અર્થે નજીકની હોસ્પિટલમાં ખસેડવામાં આવી છે.'

મૃતકો ધ્રાંગધ્રા તાલુકાના જીવા ગામના વતની
હાઇવે પર ચુલી ગામ પાસે સર્જાયેલા આ ભયંકર અકસ્માતના મૃતકો ધ્રાંગધ્રા તાલુકાના જીવા ગામના વતની હોવાનું ખૂલ્યું છે. સમગ્ર ઘટનાની પોલીસને જાણ કરવામાં આવતા પોલીસ કાફલો ઘટના સ્થળે દોડી આવ્યો હતો. અને મૃતકોની પીએમ અર્થે ખસેડી હાઇવે પર ટ્રાફિક હળવો કર્યો હતો. પોલીસે અકસ્માત મામલે હાલ વધુ તપાસ હાથધરી છે.

સંકળાયેલા મુદ્દાઓ

Ahmedabad Kutch highway Rickshaw Road Accident luxury bus અકસ્માતે મોત અમદાવાદ કચ્છ હાઇવે ધ્રાંગધ્રા રિક્ષા રોડ અકસ્માત લકઝરી બસ Road Accident